良鮨壽司

营业中

休息中

大埔呢间寿司店都新开咗好耐🤣朋友都推荐咗我几次，所以今次终于同家人嚟堂食！😍因为当日落大雨，所以人流唔算多，但亦有不少客人买外卖。朋友推荐我叫二人餐，丰富又好味。【良鮨冬季二人餐】🔸矶煮鲍鱼冷豆腐鲍鱼煮得入味软腍同豆腐质感好夹配。加咗木鱼更添香味。🔸北海道生蚝生蚝超大只肉质肥美 ，冰镇即开，鲜味十足，加入特制酸啫喱、萝卜泥同柠檬汁，味道层次更升华。🔸三文鱼、大拖罗厚切刺身，油脂丰腴，拖罗入口即融，好想encore！🔸时令飞机鱼寿司共8件4款寿司，新鲜空运鱼生，包括鲷鱼、池鱼、鲭鱼、黑鯥。黑鯥肥美带甜，炙烧过更香。🔸鱼奶汤鱼汤味道鲜甜，加埋京葱好香。🔸安格斯牛肉金菇卷煎得焦香，金菇爽口，牛肉烟韧多汁，点上美奶滋更滋味。🔸鹿儿岛鸡翼鸡翼外皮香脆，肉质嫩滑多汁。🔸厚切牛舌牛舌都好厚，外围烧得爽脆，中间够软腍，唔会韧到咬唔到。🔸海胆海鲜炒饭食到呢道已经好饱。但我地都食埋个炒饭，因为炒饭炒得好靓，粒粒分明。上枱时闻到阵阵香气。海胆鲜甜唔腥。🔸花胶汤最后师傅请我地饮。清甜的花胶汤，入面仲有花胶同花菇。🔸雪糕饱到撑嘅情况下，原来仲有饭后甜品雪糕食～