賞茶 (已結業)

大热天时喺户外热到溶，一杯冻饮不能少。大埔嘅朋友带我去咗呢间特色饮品店整杯嘢叹下。餐牌上嘅选择都几多，除咗饮品之外，唔够喉可以加多啲料，仲可以同时叫埋小食慢慢叹。散叫得，套餐又得。由于食饱冇耐嘅关系，我哋2个净系叫咗嘢饮。热带水果茶要求少甜少冰，味道啱啱好。一入口已经有热情果籽，仲有条状嘅椰果，好似有桃肉，十分丰富，不错不错。葡萄柚绿朋友由于身体关系必须走甜走冰，虽然系咁，但杯嘢唔系热或者暖，而系有少少冰凉，据朋友所讲，果肉体积不定，对上一次果肉卡住饮管完全要手动取出，而呢次就轻轻松松一啜就上黎现场都几多人买，所以要等一等先有，但都值得一试。