影片
更多
2021-09-20
31 浏览
香蕉咖喱你试过未？就咁听好似好奇怪，但原来两者好夹架！来自日本嘅蛋包饭专门店Omumama喺北角汇一田开咗Pop up store，佢哋最出名就系秘制香蕉咖喱蛋包饭！Omumama仲有一架造型可爱嘅黄色车仔，会送外卖去港九新界，早排泊咗喺北角我都特登去打个卡兼食返个蛋包饭！蛋包饭除咗有香蕉咖喱汁，仲有鲜茄酱及明太子忌廉汁选择。价钱非常亲民贴地，单点$38-$52不等，质素都有惊喜！日式香蕉咖喱澳洲和牛小排蛋包饭($48)初试香蕉咖喱，味道绝对唔伏！咖喱唔系好食到香蕉味，但香蕉咖喱嘅口感会比较滑，而且多咗香蕉嘅香甜，咖喱唔使额外加糖！间中食到一两旧香蕉肉，我觉得好正，如果唔洗全部香蕉煮烂，真系加返少少香蕉蓉，应该都唔错，哈哈！澳洲和牛小排份量比想像中多，有牛味，肉质软腍松化，呢个价钱真系好抵！明太子忌廉汁吉列豚肉蛋包饭($42)吉列豚肉炸得香脆，炸桨唔会太厚，内里嫩滑juicy。好钟意个明太子忌廉汁，creamy带明太子咸香，唔食咖喱嘅话呢个汁都值得一试！蛋皮唔会煎得太老，但如果再嫩滑半熟D就更好啦！内里包住鸡肉炒饭，鸡肉都几多，本身个饭调味较淡，同明太子忌廉汁一齐食啱啱好！脆炸明太子乌
Omumama仲有一架造型可爱嘅黄色车仔，会送外卖去港九新界，早排泊咗喺北角我都特登去打个卡兼食返个蛋包饭！
蛋包饭除咗有香蕉咖喱汁，仲有鲜茄酱及明太子忌廉汁选择。价钱非常亲民贴地，单点$38-$52不等，质素都有惊喜！
日式香蕉咖喱澳洲和牛小排蛋包饭($48)
初试香蕉咖喱，味道绝对唔伏！咖喱唔系好食到香蕉味，但香蕉咖喱嘅口感会比较滑，而且多咗香蕉嘅香甜，咖喱唔使额外加糖！间中食到一两旧香蕉肉，我觉得好正，如果唔洗全部香蕉煮烂，真系加返少少香蕉蓉，应该都唔错，哈哈！澳洲和牛小排份量比想像中多，有牛味，肉质软腍松化，呢个价钱真系好抵！
明太子忌廉汁吉列豚肉蛋包饭($42)
吉列豚肉炸得香脆，炸桨唔会太厚，内里嫩滑juicy。好钟意个明太子忌廉汁，creamy带明太子咸香，唔食咖喱嘅话呢个汁都值得一试！蛋皮唔会煎得太老，但如果再嫩滑半熟D就更好啦！内里包住鸡肉炒饭，鸡肉都几多，本身个饭调味较淡，同明太子忌廉汁一齐食啱啱好！
脆炸明太子乌贼春卷($16/3条)
紫菜包住乌贼后制成春卷，炸到脆卜卜，松露沙律酱系精髓！
张贴
