一芳台灣水果茶 (已結業)

宜家既台式饮品风气实在太夸张了，所以等几耐呢个因素对我黎讲都几重要。呢间系tst美丽华入面，当日系平日，okay既唔洗等好耐。其实当时只系去行下街，唔知一芳都系果度插左旗，见至少无人龙，又未试过最新好hit既黑糖珍珠鲜奶，就去买左杯了。落左order之后，谂住应该无咁快，就去左个厕所tim, 点知出黎杯野已经ready等我了。所以呢间既第一个印象系okay既，至少唔洗等，唔好饮都唔会咁嬲啊嘛。讲样既话就无老虎堂果d影出黎咁好睇既，不过都唔差。搞均去之后先饮，第一下，唔错wor。因为我之前比较多系饮珍珠奶茶，无饮过黑糖鲜奶，第一下既感觉系好滑，真系好滑。d珍珠都唔错，系我钟意既口感，烟烟unun，都有黑糖味。唔错。第一次既经验令我对黑糖鲜奶既感觉唔错，因为我未饮之前以为会好甜。呢杯系无叫少甜少冰，但系完全唔会觉得太甜。饮既时候会有错觉，觉得比珍珠奶茶健康(因为系得鲜奶，无奶茶)，但系其实唔系架，其实系一样咁肥XD不过呢次既经验都系好既，令我会想去试其他舖头既黑糖鲜奶。