普光齋

营业中

休息中

行开佐敦果头，一于试下驰名九龙嘅「普光斋」。首先，叫咗个「斋卤味」，不出3分钟，就上咗台，速度超快。斋卤味够咽靭，酸甜斋有酸甜味，咖喱斋有咖喱味。。。普普通通。 唯一不足嘅系斋卤味唔够冻。罗汉斋窝面：卖相不俗，菇菌应该系罐头货，有草菇，蘑菇同埋baby corn 同埋少少菜芯。可惜嘅系面质煮得比较腍，唔够脆口。汤汁比较杰身，令汤汁可以依附喺面条上面，一啖面，一啖汁。值得一赞嘅系芡汁应该系用马蹄粉开，所以汤汁唔会有混浊嘅颜色。素芋角：唔够热！！！但系炸得酥化，脆口。可惜嘅系唔够热同埋芋头味唔够香浓，应该系芋头料唔够。