影片
更多
2021-02-16
2722 浏览
我至爱任食或者自助餐，贪款式够多，又可以每款先试少少，好味先再添食😆 所以，我哋安排咗元旦1月1号嚟到中环「FUMI」试试以🥢All you can eat形式嘅🍣日式Sunday Brunch☀️「FUMI」位于中环德己立街一座新式商业大厦之中，环境唔错👍🏻不过，餐厅位于嘅商业大厦就不设停车场，所以如果揸车嚟嘅，就需要系附近停车场🅿️揾位泊车。或者，搭港铁可以由中环站D2出口，步行约4-5分钟。餐厅环境阔落、装修简约舒适👍🏻 Sunday Brunch用餐时间可以由中午12点至下午3点，时间非常充足，唔似一般日式放题食到好赶🏃♀️而且，最近做紧买3送1优惠，即系4人同行收3人价钱（免费最低价钱果位），公众假期都可以享有呢个优惠，真系好抵💥大人$480/位+10%、小童$280/位+10%。（饮品或酒类另计）⚠️特别留意，最近做紧额外优惠，订座后如果提早入数每位$200订金，就可以每位送一只牡丹虾刺身🦐😋⚠️呢只虾刺身几大只、又鲜甜，值得一试👍🏻虽然名为All you can eat 放题，但要留意‼️主菜每位只限选一款、甜品亦不能任食，系由餐厅按每台人数综合做一个甜品拼盘。餐厅职员非常贴心💖入
「FUMI」位于中环德己立街一座新式商业大厦之中，环境唔错👍🏻不过，餐厅位于嘅商业大厦就不设停车场，所以如果揸车嚟嘅，就需要系附近停车场🅿️揾位泊车。或者，搭港铁可以由中环站D2出口，步行约4-5分钟。
餐厅环境阔落、装修简约舒适👍🏻 Sunday Brunch用餐时间可以由中午12点至下午3点，时间非常充足，唔似一般日式放题食到好赶🏃♀️而且，最近做紧买3送1优惠，即系4人同行收3人价钱（免费最低价钱果位），公众假期都可以享有呢个优惠，真系好抵💥大人$480/位+10%、小童$280/位+10%。（饮品或酒类另计）
⚠️特别留意，最近做紧额外优惠，订座后如果提早入数每位$200订金，就可以每位送一只牡丹虾刺身🦐😋⚠️呢只虾刺身几大只、又鲜甜，值得一试👍🏻
比订金后，赠送每位一只牡丹虾刺身
68 浏览
0 赞好
0 留言
虽然名为All you can eat 放题，但要留意‼️主菜每位只限选一款、甜品亦不能任食，系由餐厅按每台人数综合做一个甜品拼盘。
餐厅职员非常贴心💖入座后会简单介绍一下menu，并提议第一轮落单可以全个menu各项食物由餐厅安排先嚟每人一件，等我哋试试边样食物钟意食之后，再按自己喜好追加。
由于，前菜唔太吸引，所以我哋跳过前菜，直接由冷盘开始食😋「日式烤牛肉配柚子汁」和「烟熏鸭胸配创味盐汁」属普普通通、所以我哋试咗一碟之后就无再追加。
「北海道鳕场蟹脚」🦀冻蟹脚肉质鲜嫩，唔会死实实或鞋拾拾，有些鲜甜蟹味，怪唔之得餐厅内好多台客人都不断追加蟹脚 ! 我哋都追加咗3轮。
日式烤牛肉配柚子汁、北海道鳕场蟹脚、烟熏鸭胸配创味盐汁
83 浏览
0 赞好
0 留言
刺身注明由日本直送，总共有5款可以选择，分别有「油甘鱼」、「甜虾」、「三文鱼」、「吞拿鱼」、「带子」，刺身水准比坊间一般的日式放题好好多，新鲜肥美，而且切得够厚食落较有口感😋
其中， 「吞拿鱼」比一般嘅赤身肥美少少、如果系任食放题质素嚟讲，呢个「吞拿鱼」已经算非常不错！
刺身
64 浏览
0 赞好
0 留言
寿司只有餐厅创作嘅卷物，唔似其他日式放题可以有好多款🍣寿司或火炙寿司可以选择，呢样比较失色😔 而且，卷物质素一般，味道又唔系好突出......所以，我哋试过一碟之后就无再追加了。
寿司卷物
59 浏览
1 赞好
0 留言
炸物选择款式亦唔多，只有3款，分别有「炸鸡」、「🍤海虾天妇罗」和「野菜天妇罗2款」。
「炸鸡」肉质仍然嫩滑Juicy唔会炸得太干，「🍤海虾天妇罗」和「野菜天妇罗2款」的天妇罗炸浆外壳唔会太厚👍🏻 虾嘅质素ok，野菜今日有南瓜、秋葵和粟米芯、水准不错，炸完嘅南瓜和粟米芯食落几鲜甜。我哋追加咗两次炸物🥢😋
炸鸡、海虾天妇罗和野菜天妇罗
48 浏览
0 赞好
0 留言
串烧烧物有「鸡翼」、「猪腩肉」、「牛油粟米🌽」和「迷你甜青椒🫑」。串烧卖相几好，鸡翼和猪腩肉都烧得香口，调味和肉质都ok，属正常水准；可惜牛油粟米唔系好甜又无乜味、而且咬落有渣，同甜青椒一样麻麻地👎🏻所以，烧物我哋都无再追加。
串烧烧物
52 浏览
0 赞好
0 留言
轮到每位只限选一款的「主菜」，我哋一行四人分别拣咗「银鳕鱼味噌烧」、「A4宫崎和牛冰见乌冬」、2份「迷你香葱碎吞拿鱼鱼腩丼」。
我哋将主菜分开大家share每款都试吓，大家试过之后都认为「银鳕鱼」味道适中、鱼肉质地滑嫩，不错！「和牛乌冬」上面有一片大大块嘅和牛，牛肉入口油脂感重、牛味浓😋真系有A4和牛嘅质素👍🏻乌冬系幼身似稻庭乌冬。
「吞拿鱼鱼腩丼」细细碗，鱼蓉唔系好肥美，水准一般。3款主菜之中，乌冬属份量最多。
主菜「银鳕鱼味噌烧」、「A4宫崎和牛冰见乌冬」、「迷你香葱碎吞拿鱼鱼腩丼」
377 浏览
1 赞好
0 留言
食饱饱之后，可以叫职员上甜品，甜品唔系任食，系由餐厅按每台人数综合做一个卖相几精美嘅「甜品拼盘」。甜品拼盘望落非常吸晴👀，上台嘅时候一直喷住干冰造成嘅白烟✨几特别呢！
甜品拼盘内包括冲绳海盐味雪糕、朱古力糯米糍、西瓜、士多啤梨、日式葛饼，每位各一件。
甜品拼盘
239 浏览
0 赞好
0 留言
综合，今次呢间餐厅环境干净舒适、职员服务态度殷勤有礼、食物选择虽然唔算好多款，但食物质素比坊间一般的日式放题高、而且有3小时用餐时间非常充足，以呢个价钱可以系中环区休休闲闲享受一个任食Sunday Brunch，性价比算几OK呢👌🏻👌🏻所以，如果大家想食高质一啲嘅日式放题，不妨可以嚟「FUMI」试试！😋
张贴
