新橋世民私房菜 (已結業)

今日经朋友介绍去试一间私房菜，因为我从来都冇去过食私房菜，所以有d好奇同兴奋而食物都系由厨师发板，所以都未知有咩食！一去到餐厅，环境几舒服，以蓝色为主。客人唔系好多，可以慢慢地静静地咁食饭。今日系食六道主菜，由厨师决定，可以试吓佢嘅首本名菜。首先，头盘系有凉拌吞拿鱼。味道酸酸甜甜，吞拿鱼系轻微煎一煎，所以入面有刺身既质感。另外可能呢个系冷盘嘅关系，系面头加左d姜丝，令到口腔有d微䁔既感觉。再嚟系椰子雪梨炖猪展汤，个汤煲得好清澈，味道非常之有惊喜，一般嘅汤都系浓郁既，但系呢个汤真系非常清甜可口，有滋润嘅感觉。另外，雪梨同埋杞子都好爽甜。呢个系锅贴小棠菜配白饭鱼。呢个系几特别嘅配搭，锅贴个皮整得好薄好脆口，有少少似潮州壕仔饼嘅感觉，不过就比较爽口同香。而且白饭鱼好少见到好肥美，整得好香脆，不过味道就清淡啲。再嚟系古法盐焗鸡，味道都系偏清淡，鸡肉质地很嫩滑，充满鸡香！跟住系姜汁炒芥兰，味道很清新，充满姜汁香味，但系又唔会觉得好浓味，只有微微。菜很翠绿，新鲜。最后一味菜系黑松露稻庭面，有非常之浓郁嘅黑松露香味，稻庭面质地有少少似幼新既乌冬，烟烟韧韧又够晒滑！总括嚟讲，对于今次嘅新尝试嘅私房菜，