Italian Tomato Café (置富第一城)

营业中

休息中

是日系星期日，系沙田住既我继续周围揾好野食，其实呢间位于沙田第一城既Italian Tomato Café都开左大约年半，但系就都从未试过，所以就打算黎呢到一试啦。餐厅座位有分系舖入面同埋出面既open area，夹埋大约有70个座位左右，今日我地11点半就黎到，所以可以拣位坐。3个人合共叫了3个午餐set 分享吃，午餐set会有主菜+餐汤+饮品，加$10-$18可以转特饮，而加$29可配蛋糕。价钱由$55 至$82 不等。餐汤: 是日餐汤系蕃茄汤，酸酸甜甜咁，蕃茄味好浓，几好味，不过如果可以配埋面包，咁就更加好啦。忌廉菠菜烟三文鱼意粉: 卖相不错，烟三文鱼咸味稍重，但系材料好够，又唔会腥，切碎后，加入白汁同菠菜一齐炒，令到个意粉都好入味同creamy。蒜香榄油巴拿马火腿意粉: 虽然餐牌话呢个意粉系辣既，但系我一D辣味都食唔到，反而觉得蒜香味较重，巴拿马火腿偏咸，炒起上黎令意粉既咸度刚刚好。夏威夷薄饼: 薄饼边位够薄够脆，但系可惜材料太少，Size上真系细左少少，有改进空间。咖啡: 味道非常浓郁，有细滑既口感。