Small Potato Ice Creamery (已結業)

一向都中意紫薯香，得知Small Potato 专卖紫薯雪糕，当然要黎潮圣一下，位于cwb但应该算系大坑，之前有帮衬呢条街既店，但就真系冇发现唔Small Potato，太唔起眼啦 (泣)。店仔细细冇乜装修，坐既位亦唔多，但你可以选择企喺到食，墙上既手绘紫薯确系cutie，令店内有增添左一点气色。Cashier侧有2个小摆设，比起墙上既画更吸引，前面果2只小蕃薯好可爱啊！可以既话我想带佢地回家 (笑)。店中主要卖2种味道，分别系紫薯及海盐，老实讲选择并唔多喔！白色巨塔 $48，哗...个卖相真系唔多掂，睇图都唔系咁既，果粒紫薯似一粒”C"，仲有红豆及mochi，绝对吸引唔到我，算啦，食啖雪糕啦，oh...好重盐味，但似乎抢左雪糕本身既甜味，食食下觉得好咸添，雪糕质地未算好滑但可接受，减盐会好好多。蕃薯三兄弟 $40，topping系红豆、脆米&一粒细紫薯，卖相又系。。。哈哈哈哈！脆米本身唔脆，浸一阵就林哂，紫薯雪糕内有轻微粉粉的紫薯蓉，紫薯味浓，我仲好似食到有少少姜味添，不过太甜啦，食食下好腻。2杯都食左一半就弃权，对我黎讲一杯太咸，一杯太甜啦。