新東王 (已結業)

第一次食呢间店。我叫咗牛肉面加咗做餐系配个墨汁肠做小食配珍珠奶茶。我觉得佢依一间可以翻兜既。首先就咁睇，都觉得系有诚意👍🏻，一黎佢面入面个两条菜应该系切走左菜头，所以睇落几靓仔既，而我本身唔钟意食小棠菜，佢用𠮶啲小棠菜系迷你嘅我觉得易入口啲，二系佢啲酸菜系放喺枱任拎，香港多数都系放啲埋落碗面到就算。🌑墨汁肠我觉得几好食，食落去系有墨鱼鱿鱼咁嘅香味，但我唔明点解佢要加啲脆辣鸡翼嘅泰式酸甜酱系侧面，个酱有啲画蛇添足，完全唔需要点个酱。🍜牛肉面个汤都几好，牛肉唔同出面啲店咁用牛展，食落都有啲牛味，同都煮林。白萝卜同红萝卜唔算好林，但唔硬，有啲咬口，面都系算有啲咬口，唔会一糊野咁。🥤最后就系珍珠奶茶，对我来讲个餐入面杯嘢饮系败北。我原本系落单纸度填左微甜，我唔知系睇唔到定已经少左甜，杯奶茶对我黎讲太甜，冇咩茶同奶香，饮落成知味有啲稀，如果再去食，我冇勇气再叫珍奶，应该会拣其他试。但我竟然听到老板推荐其他客人饮珍奶🙈恕未能理解