莆田 (已結業)

黎到马鞍山呢个美食沙漠揾野食，见到呢间新加坡餐厅系米芝莲一星，而且咁大个女都未试过莆田菜，应该都几特别，本著一试无妨既心态，于是就去试下啦!虾苗伴头水紫菜外观好吸睛，卖相好靓好精致，外面用左青瓜围边，成道菜味道酸酸地，好开胃，而头水紫菜好爽口，而且营养价值高，食完之后感觉好似健康左，哈哈，另外入面有啲虾米，食落口都几清甜，作为头盘，又真系几好食。酥炒芋芯芋头表面包住一层糖，外面脆身带甜，内里又好软滑，又咸又甜，有惊喜。百秒黄花鱼卖相又系好靓，黄花鱼鱼肉好嫩滑又好鲜甜，而且个汤加左姜既关系，一啲都唔觉得腥，仲觉得好香，好好味，钟意食鱼既人一定要食下。莆田卤面听闻系莆田既传统美食，呢个卤面比我地平时食既面会杰身啲，有啲食羹既感觉，份量够多，入面有虾同蚬，味道好香浓，唔错。红菇炖土鸡第一次食野生红菇，听闻对身体好好，个汤上枱时又系好吸睛，因为个汤系红红地色，鸡肉炖到好嫩滑，火候够又足料，饮落口系好清甜，一啲都唔油，真系好好饮。莲子银耳汤呢个甜品好滋润养颜，甜度适中，为呢餐划上完美既句号。总括黎讲，环境唔错，价钱唔贵，食物质素好，尤其是红菇炖土鸡同百秒黄花鱼，真系好好味，下次一定会再去。