影片
更多
2018-10-11
96 浏览
第一次嚟一乐食放题, 同友人嚟食早个场希望少啲人!先讲讲环境, 唔知系咪因为我地早到嘅关系, 真系有好多位! 职员安排咗我地坐卡位好舒适, 见到我地𠮶边附近其他唔系卡位嘅座位都几好咁, 因为佢个椅背好似一个屏风咁, 就算同隔离枱近, 但私隐度都够高, 可以同朋友好好倾计另外, 原来呢度order食物系要用WeChat, 好彩友人有咋如果唔系嘢食都嗌唔到.. lol 唔知系咪我outdated, 觉得香港好似唔多用WeChat落单?入番正题讲番嘢食先! 第一时间梗系要嗌刺身啦, 全部都好鲜味, 摆得好精致. 个人最推介系带子刺身, 虽然切得偏细, 但口感一流另外, 食咗咁多样最欣赏嘅系寿司同串烧!先讲寿司, 有好多唔同嘅选择, 当中encore咗几次系佢嘅火炙系列, 尤其系 “火炙黑松露帆立贝寿司”同”火炙海盐左口鱼寿司”, 前者黑松露香得嚟唔会太浓盖过晒帆立贝嘅味道, 后者嘅左口鱼入口即溶, 谂起都想再食... 呢度好嘅系啲寿司整到系一口size, 可以试多几款另外除咗一般嘅寿司之外, 仍仲有几款特色寿司, 我谂系呢度特有. 一系整得好靓, 一系就用料特别而串烧最一食难忘就系烧牛舌同烧
先讲讲环境, 唔知系咪因为我地早到嘅关系, 真系有好多位! 职员安排咗我地坐卡位好舒适, 见到我地𠮶边附近其他唔系卡位嘅座位都几好咁, 因为佢个椅背好似一个屏风咁, 就算同隔离枱近, 但私隐度都够高, 可以同朋友好好倾计
另外, 原来呢度order食物系要用WeChat, 好彩友人有咋如果唔系嘢食都嗌唔到.. lol 唔知系咪我outdated, 觉得香港好似唔多用WeChat落单?
入番正题讲番嘢食先!
第一时间梗系要嗌刺身啦, 全部都好鲜味, 摆得好精致. 个人最推介系带子刺身, 虽然切得偏细, 但口感一流
另外, 食咗咁多样最欣赏嘅系寿司同串烧!
先讲寿司, 有好多唔同嘅选择, 当中encore咗几次系佢嘅火炙系列, 尤其系 “火炙黑松露帆立贝寿司”同”火炙海盐左口鱼寿司”, 前者黑松露香得嚟唔会太浓盖过晒帆立贝嘅味道, 后者嘅左口鱼入口即溶, 谂起都想再食... 呢度好嘅系啲寿司整到系一口size, 可以试多几款另外除咗一般嘅寿司之外, 仍仲有几款特色寿司, 我谂系呢度特有. 一系整得好靓, 一系就用料特别
而串烧最一食难忘就系烧牛舌同烧翠玉瓜. 牛舌烧得啱啱好唔会韧, 翠玉瓜就烧完都好juicy, 食到好饱再食呢个都唔会好济
食物除咗以上讲嘅, 其实仲有好多其他选择, 天妇罗, 热食料理, 小食等等… 仲有一边系好似buffet咁, 放咗好多熟食, 甜品任拣!
饮品方面除咗平时必有嘅汽水, 啤酒, 茶等等, 仲有一部鲜揸橙汁机, 可以望住佢揸橙都几得意
另外甜品都几特别, 有一般大牌子Haagen Dazs, 雀巢雪糕雪条之外, 最惊喜嘅系有啲东南亚口味雪条选择: 榴梿, 椰子香芋, 紫米雪条, 仲有紫薯蛋糕, 真系比较少见! 令我舍弃咗Haagen Dazs试下呢啲新口味XD
最后, 值得一赞佢地嘅服务, 全程职员不断帮手收碟, 上菜时又好friendly提你趁热食, 服务一流!
张贴
