樂天皇朝 (已結業)

话说乐天王朝喺香港开咗咁耐，终于book左枱来朝圣，试一试七彩颜色嘅小笼包。点完餐之后店员就收起左餐牌，不过旁边有一张纸仔，有写住各款小笼包嘅口味，仲会教应由味道较淡嘅小笼包食起，之后再去食味道较浓嘅，十分贴心。特别喜欢黑松露小笼包，黑松露味道突出！人参小笼包同鹅肝小笼包都好特别，不错！话梅骨酸酸甜甜，十分之开胃，不过如果有多啲肉就好了。椒盐小黄鱼，虽然系小黄鱼，但比我想像中大条好多，外皮鱼骨香脆，成条鱼尾都食得，鱼肉嫩滑，好好味！萝卜丝酥饼手工细腻，外面超级松化，里面萝卜丝热辣辣，满分！！！蟹粉炒饭好足料，越食越好味！最后叫咗个甜品，柠檬芦荟桂花蜜，芦荟多到满泻！少许偏甜。