影片
更多
2018-02-25
552 浏览
一直都好想试吓玩飞镖，好多时见到啲飞镖机都想过去玩，但明知自己运动同游戏天份都系零，所以都唔敢献丑。朋友专诚揾嚟一间酒吧，喺正尖沙咀诺士佛台，六点过到嚟，仲未有人玩飞镖机，即刻去玩吓先，$5/player，可以慢慢玩，冇压力！玩完，证明我真系玩唔掂啰！！！好彩冇乜人睇到！酒吧中间有两张「电子感应Beer Pong球桌」，听讲系香港人设计 ，好显眼，可以考考大家投球技巧同运气，如果一班朋友嚟玩相信气氛会更好！呢间酒吧都几新几大，最舒服系有梳化位，Gathering或睇波就最啱！玩到攰，可以坐低饮吓野食吓野。坐低就望到个平板嘅Drink Menu介绍【季之选 中国风韵】嘅鸡尾酒，用料系中国茶或保健常用嘅材料，仲列明有咩功效。最抢眼系用一只喺我细细个喺婆婆屋企见过嘅万寿无疆杯装住，够晒中国风韵。或者受到只杯嘅影响，上枱时有一刻以为系热饮嚟，原来系冻嘅。一打开两杯酒都有啲小小花瓣喺泡沫上面，配合埋只杯，望落都几华美，中国风X鸡尾酒，第一次试，系几特色嘅。两杯都系酒味唔重嘅甜酒，容易入口。【倾国倾城$128】桂花、杞子、桂圆、红枣、杜松子酒【闭月羞花$128】茉莉、青苹果、荔枝【香蒜白酒煮青口$
酒吧中间有两张「电子感应Beer Pong球桌」，听讲系香港人设计 ，好显眼，可以考考大家投球技巧同运气，如果一班朋友嚟玩相信气氛会更好！
呢间酒吧都几新几大，最舒服系有梳化位，Gathering或睇波就最啱！
玩到攰，可以坐低饮吓野食吓野。坐低就望到个平板嘅Drink Menu介绍【季之选 中国风韵】嘅鸡尾酒，用料系中国茶或保健常用嘅材料，仲列明有咩功效。最抢眼系用一只喺我细细个喺婆婆屋企见过嘅万寿无疆杯装住，够晒中国风韵。
或者受到只杯嘅影响，上枱时有一刻以为系热饮嚟，原来系冻嘅。一打开两杯酒都有啲小小花瓣喺泡沫上面，配合埋只杯，望落都几华美，中国风X鸡尾酒，第一次试，系几特色嘅。两杯都系酒味唔重嘅甜酒，容易入口。
【倾国倾城$128】桂花、杞子、桂圆、红枣、杜松子酒
【闭月羞花$128】茉莉、青苹果、荔枝
【香蒜白酒煮青口$138】用金属筒装住，保持温热。青口唔算大不过都有十八只。味道适中，香蒜味道冇过重，而且除咗青口仲有青瓜，中和返香蒜味。
【BBQ串烧(鸡)$78】三大串鸡肉、红椒、黄椒、洋葱嘅串烧，用铁板上果阵仲嗞嗞声，香喷喷。鸡肉白白净大大件亦算juicy，食落好惹味。
【铁板西班牙香肠虾$108】又系用铁板上，保持温度亦加倍惹味。虾有六只，几大只，爽口弹牙，仲有大量青瓜、洋葱同红黄椒。香肠原本expect系西班牙辣肉肠，但出嚟只系切到细细粒嘅肉肠，有啲失望。
食物我觉得比一般酒吧好食，但制作需时较耐，比较适合同朋友嚟消闲娱乐。
张贴
