冲菜

营业中

休息中

一行六人食私房菜～呢个酒香花螺，用咗唔知花雕定系黄酒去浸过花螺加上芫荽，酒嘅味道唔会喧宾夺主反而突出左海鲜嘅甜味介绍返呢个江南百花鸡，系老板嘅得意之作，每日净系会做一碟。要将成只鸡去骨去跟留返个鸡皮（仲唔可以穿），将虾胶酿入去。𠮶啲鸡肉呢就煮成个汁加上西兰花。听讲系以前西关大少们食嘅粤菜。呢个台山焗蟹砵，下面系蒸水蛋。蟹膏嘅香味完全渗入咗个蛋度～鲜味无限。我最钟意呢一道菜，睇落好简单，但所有嘢都要新鲜同埋交到时间啱啱好酒糟马友系食唔到酒糟嘅味道，但成条鱼竟然系去咗骨，同埋非常之嫩滑。师傅嘅刀工同埋食材嘅新鲜可见一班成餐饭都好满意