影片
更多
2023-06-16
2476 浏览
有长辈请食饭，想坐得舒舒服服，又唔介意价钱，所以上网揾左尖沙咀冲菜。由联络订立到选择菜式，都可以自选配搭，感觉唔错，以前食过好几间私房菜都冇做，可能有d师傅退休，有d顶唔住个疫情。先讲几样冇影相既：酒香花螺，酒香味及调味岩岩好，唔会浸到好实，可以。黄金锅巴虾多士，脆口，虾滑弹牙/味道适中，几好。猪肺汤，真系一人一碗，汤渣一大碟（唔算好多猪肺）我觉得收咁既价钱可以煲/炖多少少，会饮得满足d，系够浓同好饮既，猪肺洗得好干净。油浸野生笋壳鱼，浸得过左龙……唔系岩岩痴骨，岩岩熟够滑果只，失望！古法熏鹰鲳，有烟熏香味，鱼亦脆口入味，唔错。蜜汁火方：似系用慢煮既方法煮金华火腿咁，非常之浓味，重咸重甜，要夹少少配埋个馒头仔食，ok啦，如饮酒就一流因为好重味！蟹酿橙，蟹肉既鲜比甜橙味盖过左，见人见智………我地一行十二人都觉得唔好食，老板解释呢个系食怀旧既宫廷菜，我个人就唔推介喇！四季豆………咪炒四季豆啰……盐壳焗鸡，卖相一流，鸡够滑，油饭/姜蓉都好食，唔错。腰果露，第一次食好特别，少少甜几得意！食后感，好多年前见朋友仔上去食，睇相都觉得唔错。到自己初次去食，系咪咁大惊喜呢，就真系一般般；我明白一分钱一
由联络订立到选择菜式，都可以自选配搭，感觉唔错，以前食过好几间私房菜都冇做，可能有d师傅退休，有d顶唔住个疫情。
先讲几样冇影相既：
酒香花螺，酒香味及调味岩岩好，唔会浸到好实，可以。
黄金锅巴虾多士，脆口，虾滑弹牙/味道适中，几好。
猪肺汤，真系一人一碗，汤渣一大碟（唔算好多猪肺）我觉得收咁既价钱可以煲/炖多少少，会饮得满足d，系够浓同好饮既，猪肺洗得好干净。
油浸野生笋壳鱼，浸得过左龙……唔系岩岩痴骨，岩岩熟够滑果只，失望！
古法熏鹰鲳，有烟熏香味，鱼亦脆口入味，唔错。
蜜汁火方：似系用慢煮既方法煮金华火腿咁，非常之浓味，重咸重甜，要夹少少配埋个馒头仔食，ok啦，如饮酒就一流因为好重味！
蟹酿橙，蟹肉既鲜比甜橙味盖过左，见人见智………我地一行十二人都觉得唔好食，老板解释呢个系食怀旧既宫廷菜，我个人就唔推介喇！
四季豆………咪炒四季豆啰……
盐壳焗鸡，卖相一流，鸡够滑，油饭/姜蓉都好食，唔错。
腰果露，第一次食好特别，少少甜几得意！
食后感，好多年前见朋友仔上去食，睇相都觉得唔错。
到自己初次去食，系咪咁大惊喜呢，就真系一般般；我明白一分钱一分货，但我就觉得价钱略略贵少少……但计埋尖沙咀呢个地点……算合理既！
自带酒水，12个人饮左9支。
张贴
