十二味 (山市樓) (已結業)

人生第一次食川菜平时唔敢食辣嘅我，好少会拣川菜嚟食！但为咗食匀唔同嘅菜式，今次一于就黎大家都话口味正宗嘅十二味试下！川式口水鸡 $68份量都唔少㖞！上面嘅辣酱见到都好怕。。。但原来辣度还好，反而觉得咸咗少少！蒜泥青瓜 $28看似普通嘅手拍青瓜，但佢哋真系整得好好食！麻油调味适中，蒜泥系新鲜蒜头去拍，唔系罐头蒜蓉！青瓜都好新鲜但就觉得拍得碎咗啲。人见人爱酸菜鱼 $198佢呢款有得拣唔辣或者辣，怕辣嘅我最后都系拣咗唔辣。。。但一尝汤头，味道都系有啲辣的，不过我接受到。系属于麻香𠮶种辣，鱼系鲈鱼，肉质鲜美滑，食得都几满足！呢度嘅环境设计唔错，坐低食都几有feel！