Turkeyano

营业中

休息中

土耳其食物在香港比较少见，今日同朋友经过一间舖，见装修唔错，好colorful, 又eye catching 。 店舖细细，好有特色，有爆谷机同埋土耳其雪糕。朋友话试过唔错。我未食过土耳其食物，决定买返屋企同妈咪试下。order 食物后，店员即叫即做，保证新鲜。烤鸡肉卷馅料十分丰富，个卷热辣辣，生菜蕃茄入口爽而且新鲜，主角烤鸡有著浓厚香料味，充满土耳其嘅气息。香辣调味料特别惹味，烤肉香味浓郁。个卷份量十足，食一个绝对满足。脆皮鸡卷同样系鸡，鸡肉一样嫩滑，鸡肉炸得十分香脆，外脆内软，而且炸得唔会十分油，感觉呢个卷酱汁较多，酱汁惹味，食落juicy 。土耳其卷加$25就可以升级做套餐，有薯条同埋罐装汽水。薯条即叫即炸，新鲜香脆。就算带回家后，口感仍然香脆，值得称赞，薯条加入咗少少香草黑胡椒调味，特别好食。爆谷在家抗疫，成日都煲剧，特登买咗个爆谷返去边睇边食，爆谷有焦糖味，甜甜的，是煲剧很好嘅小食。