影片
更多
2022-05-14
54 浏览
地中海系一个被三大州包围嘅大海域，沿岸国家有20多个，地中海饮食就系指其周边国家嘅传统饮食，饮食原则主要以食用橄榄油、富含膳食纤维的蔬菜、水果、坚果、乳制品，并且每周适量摄取鱼、鸡、蛋，每餐搭配适量红酒等，研究指地中海饮食可以降低患心血管疾病风险。Boaz House位于悦来酒店，经过餐厅正门望到餐牌菜式特别又新奇，知道系地中海菜，抱住尝新嘅心态，好期咁上网睇吓资料，又亲身去试下味道。原来餐厅系基督教背景，某些布置上和垫餐纸上都印有金句，地中海令人联想起「海」同「舒服」嘅感觉，餐厅浅蓝色嘅挨凳不难令人谂起海洋，餐厅空间感十足，成遍嘅花墙，都俾人舒舒服服嘅感觉。2人晚餐$368，非常实惠：➺餐汤南瓜汤微甜不浓厚，饮完正好吊出胃口，期待前菜。➺经典鹰嘴豆蔬菜球以色列国民美食。鹰嘴豆系土耳其坚果，菜式系磨碎鹰嘴豆同蔬菜，外面炸至金黄，淋上芝麻酱。食落非常有惊喜，鹰嘴豆磨成泥浆嘅口感好似薯蓉，一啖咬落去，咦？松化到咁嘅？随碟嘅沙律份量都唔少！➺以色列炸鸡每个地方都有自己习惯炸鸡嘅口感，呢种炸鸡真系好脆，食到咯咯声，好可口，觉得热气嘅时候不妨食下隔离𠮶啲石榴籽，酸酸甜甜，有时一下酸到瞇起只眼之后
Boaz House位于悦来酒店，经过餐厅正门望到餐牌菜式特别又新奇，知道系地中海菜，抱住尝新嘅心态，好期咁上网睇吓资料，又亲身去试下味道。
原来餐厅系基督教背景，某些布置上和垫餐纸上都印有金句，地中海令人联想起「海」同「舒服」嘅感觉，餐厅浅蓝色嘅挨凳不难令人谂起海洋，餐厅空间感十足，成遍嘅花墙，都俾人舒舒服服嘅感觉。
2人晚餐$368，非常实惠：
➺餐汤
南瓜汤微甜不浓厚，饮完正好吊出胃口，期待前菜。
➺经典鹰嘴豆蔬菜球
以色列国民美食。鹰嘴豆系土耳其坚果，菜式系磨碎鹰嘴豆同蔬菜，外面炸至金黄，淋上芝麻酱。食落非常有惊喜，鹰嘴豆磨成泥浆嘅口感好似薯蓉，一啖咬落去，咦？松化到咁嘅？随碟嘅沙律份量都唔少！
➺以色列炸鸡
每个地方都有自己习惯炸鸡嘅口感，呢种炸鸡真系好脆，食到咯咯声，好可口，觉得热气嘅时候不妨食下隔离𠮶啲石榴籽，酸酸甜甜，有时一下酸到瞇起只眼之后，又可以继续食多件鸡！有超过10件咁多！
➺水波蛋香草烧汁鸡肉意粉
见到菜式名嘅感觉好似好港式，但系上面又落咗地中海菜钟意加嘅薄荷叶，酱汁都加咗好多调味料，食到有蒜又有少少咖喱味。酱汁够晒多，最钟意系意粉嘅质感，又挂晒汁！
➺以色列甜甜圈
听到个名以为好甜，见到个样以为好饱。食落又唔系㖞，切件放入口，首先系感受到浓烈嘅玫瑰酱味道，唔系好甜，糖浆、糖粉又去除咗下面粉团嘅单调，最后又食晒！
➺冻奶茶（冻饮另加$3 ）
奶滑茶味突出，都大杯㗎！
➺百香果冰茶（特饮另加$15 ）
个样好吸睛，颜色鲜艳，咁亚热带风情嘅？底部全部都系椰果，面层又加埋百香果籽，有d诚意！建议少甜！
非常有兴趣试吓其他菜式，见到set lunch几十蚊有交易，会回访！
张贴
