城大中菜廳

营业中

休息中

等咗好耐，城大嘅中菜厅终于开啦！咁啱今日返学就同几个朋友一齐去食嘢，晏昼好多人等位，都等咗半个钟先有位。我哋点咗炸鲜奶、烧卖、虾饺、萝卜糕、鲜虾肠粉、奶皇包，试业期间帮衬餐厅仲送咗份红豆糕俾我哋。最好食嘅系烧卖同虾饺，胜在啲用料丰富同新鲜，够入味，水准唔错，抵食。奶皇包个奶皇比较稀，偏甜，味道一般，不过包够薄身，有流心效果。炸鲜奶够晒大碟，一碟8粒，外脆内软，可惜粉浆偏厚，吸左啲油，有啲油腻。萝卜糕味道几好，够香口惹味，但系口感太腍，唔似食紧糕点。鲜虾肠粉都几好味，啲虾肉味道上乘，只系粉皮略厚，唔够滑。红豆糕啲红豆太硬，卖相都比较普通。4个人食，每人埋单50几蚊。整体来讲，啲点心都尚可，睇埋价钱就算抵食，平日不妨食下中菜饮下茶。