大澳德發 (已結業)

港岛人有福喇！早前听朋友介绍知道大澳德发嘅小菜好出色，今日收早就过黎试一试，一出地铁站就见到大澳德发，非常方便。餐厅光猛，安排左卡位俾我地，坐得舒舒服服。有好多款餐厅推荐嘅大澳特色菜，最后我地两个人嗌左三个𩠌+白饭，认真大食😂果皮古法笼仔蒸龙𧄌肉⭐️足足有6-7件大大件龙𧄌肉，再加鱼腩边，连同果皮、冬菇丝、豆腐一齐蒸！笼仔蒸出黎嘅龙𧄌好滑，食得出用料新鲜，其实我最钟意系腩边，好惊喜！招牌虾酱蒸肉眼根✨初初仲怕肉眼根会好小，因为知道呢个部位嘅肉好珍贵，以前妈咪蒸都要去街市请肉档帮忙留起，点知一上枱吓亲，份量好多之余仲好香虾酱味，原来大澳虾酱就系有呢种威力！肉眼根好爽口，单单呢个小菜已经够我清左成碗白饭，愈食愈开胃！正😋三弄脆皮咸猪手🐷原只咸猪手，配埋黄芥末+沙律酱，食落好似食烧肉咁，皮够脆，而且肉好结实，香口野就最得人钟意！