五指間蘭州牛肉麵

营业中

休息中

中国大江南北，有唔同嘅菜系同饮食习惯，各具特色。但对于唔少香港人嚟讲，大西北嘅兰州清真菜相对少接触，亦都系我哋嘅第一次。位于湾仔嘅五指间兰州牛肉面，餐厅走快餐店布局，啱晒初尝大西北大漠美食嘅我哋。羊肉串羊肉串系跟餐小食，羊肉被满满嘅香料包住，先系孜然味，后劲再嚟辣味，好惹味。兰州牛肉面讲起兰州嘅美食，一定就会谂起兰州牛肉面。而兰州牛肉面最讲究嘅一定系个汤底，用上长时间熬制而成嘅牛骨汤，清香浓郁，加上芫茜同葱，香味充满层次。至于面条幼细弹牙，牛肉用上切片嘅牛𦟌，肉味香浓。咖喱牛肉饭世界各地嘅咖喱，各走不同路线，而兰州风格嘅咖喱香而不辣，啱晒捞饭！配料主要有无筋又够腍嘅牛肉、索晒汁嘅薯仔同红萝白，仲有半只卤蛋，整体味道唔错，但就略嫌配菜嘅份量少咗啲。孜然牛肉肉夹馍肉夹馍以千层酥皮包住牛肉、青椒、洋葱等馅料，外层香脆松化，入面配料丰富，充满口感。