影片
更多
2012-06-21
40 浏览
话试话试, 终于的起心肝去帮衬啦, 去到见到变左天机栈猪骨煲, 心谂唔系化...原来佢"扩充业务", 搬左去琼华五楼全层, 对面啫, 咪行番过去啰上到五楼, 真系全层㖞, 靓装, 格调都几high咁㖞 望下门口个餐牌, 觉得整体价格都比印像中贵左, 咁都正常既以前门口写黑板d餐都系百头至百中, 而家要百尾起咁上下见到个场都吉吉地, 旺角八点半唔驶等位, 好奇怪㖞定系d人未知佢搬左呢? 都嚟到喇, 就入去啦!坐到靓卡位, 好阔落, 同埋侍应都好有礼貌, 感觉暂时ok叫左个二人餐, 有餐包餐汤 + 头盘 + 主菜 + 甜品 + 咖啡开波就系餐汤同餐包, 餐包系普通牛油餐包唔知点解, 同刀切开个包时系会发出"shock shock"声, 味道都ok既, 只系个面干左d硬左d啫~一齐嚟既有餐汤, 要左一个菠菜忌廉汤, 我就加左$15要龙虾汤个汤嚟到真系有只小龙虾浸温存咁浸左半只落汤, 但系原来只系得开边半只... 加$15咪咁孤寒啦个汤冇龙虾味, 只系得d龙虾壳既苦味, 我饮左两啖觉得好苦 唔系好想饮, 心谂$15好唔值, 但系都系饮晒头盘有六款拣, 选拣都吸引既, 我地拣左鸡凯撒沙律同埋蟹肉
原来佢"扩充业务", 搬左去琼华五楼全层, 对面啫, 咪行番过去啰
上到五楼, 真系全层㖞, 靓装, 格调都几high咁㖞
望下门口个餐牌, 觉得整体价格都比印像中贵左, 咁都正常既
以前门口写黑板d餐都系百头至百中, 而家要百尾起咁上下
见到个场都吉吉地, 旺角八点半唔驶等位, 好奇怪㖞
定系d人未知佢搬左呢? 都嚟到喇, 就入去啦!
坐到靓卡位, 好阔落, 同埋侍应都好有礼貌, 感觉暂时ok
叫左个二人餐, 有餐包餐汤 + 头盘 + 主菜 + 甜品 + 咖啡
开波就系餐汤同餐包, 餐包系普通牛油餐包
唔知点解, 同刀切开个包时系会发出"shock shock"声, 味道都ok既, 只系个面干左d硬左d啫~
一齐嚟既有餐汤, 要左一个菠菜忌廉汤, 我就加左$15要龙虾汤
个汤嚟到真系有只小龙虾浸温存咁浸左半只落汤, 但系原来只系得开边半只... 加$15咪咁孤寒啦
个汤冇龙虾味, 只系得d龙虾壳既苦味, 我饮左两啖觉得好苦
唔系好想饮, 心谂$15好唔值, 但系都系饮晒
头盘有六款拣, 选拣都吸引既, 我地拣左鸡凯撒沙律同埋蟹肉酥盒
沙律都ok, 因为都系菜加汁啫, 但系我个酥盒真系唔知点讲好
论味道又唔真差, 食到啖啖蟹肉味, 但系个酥皮好硬, 唔似系新鲜整既咁
硬到用叉都吉唔入, 我要用切扒把刀切先切得开, 家阵系咪玩牙力挑战赛?!
主菜我拣左牛柳拼鹅肝多士配忌廉薯蓉, 另一份拣左羊鞍配意粉
羊鞍嚟先, 份量好够, 有三大块, 每块真系差唔多有成吋厚
味道都好够, 不过我个人喜爱多d香草, 佢就落左唔系好多
好期待我个牛柳, 但系嚟到有少少失望, 块扒望落好细, 大概得4-5安士
其实我唔系十分钟意鹅肝呢味野, 但系估佢唔会俾得多, 都可以食下
鹅肝系鹅肝干, 系一块好硬好脆既嘢挞喺一块好脆既法包上面, 冇乜味, 算吧...
牛柳我系request三成熟, 心谂应该有番咁上下生喇啩, 但系都系失望, 过熟冇血
块扒切开都几腍, 不过同对面羊鞍一样, 都系用梳打粉"拿"过
令我到块扒冇乜咬口同有乜肉味, 加上熟过龙, 唔系十分好味
配菜佢系sell特式薯蓉, 所谓的忌廉薯蓉, 冇味的...
食到呢度, 差不多已经有定案了
虽然话块扒望落好细, 但系食晒都会够饱的
甜品都有六款拣, 拣左木槺布甸同焦糖炖蛋
又中左招, 呢招我真系接唔住了!! 个蛋系实的的的, 未食过咁有实力的炖蛋!
同埋欠了最最最最紧要的云尼拿籽呀!!!! 天呀~ 冇落就等如蒸水蛋加焦糖面, 仲要蒸到老晒
我只系食左块焦煻就唔食了, 平时唔算太挑食的我, 都顶唔顺~ 因为真系坚系好难食!!!
最后嚟杯咖啡, 系全晚最出色的! 不过太饱, 饮左半杯饮唔落了
总结: 餐饱太硬, 头盘酥盒太硬, 鹅肝太硬, 牛扒羊鞍太腍, 焦糖蛋太实, 我...实在揾唔到一样野系会想食第二次!
埋单有信用咭优惠, 悭左10%, $380食左餐好好坐但系唔会令我回味既饭
值得表扬既系侍应质素系高既, 有礼貌同有common sense, 有好好既service
只系食物就... 亦唔系话十分之差, 只系我相信俾呢个价钱应该找到更好吃罢了
张贴