影片
更多
2015-08-02
6248 浏览
来左公司三年几都未食过呢间野，真系有点儿过份丫。不过觉得要多人来先开心，所以一直无机会。今日6人行，跟同事来试下。原来有午市套餐，都好多款拣。我地一早就book定位同落定order! 唔使惊等位同无得食 同事订左个咸鱼煎肉饼，话系必食。去到，原来得4张枱，3大1小。靓姐拎左汤同饭俾我地，今日系白菜煲鸡。汤睇落好清，但都够火喉。第一个菜，枝竹斑腩煲，个煲上枱热辣辣的。都几足料，味道啱啱好。第二个系鸡煲，内有猪肝。几和味 咸鱼煎肉饼上场，又系热辣辣的。唔会太咸，同事仲话食到有甜果添！鲜鱿炒西兰花，无得唔好食啦！沙拉骨，呢个就真系麻麻。太多沙律酱喇！最后系蒜蓉炒杂菜，好大碟，抵食，无炒过龙，好爽脆！
今日6人行，跟同事来试下。原来有午市套餐，都好多款拣。我地一早就book定位同落定order! 唔使惊等位同无得食 同事订左个咸鱼煎肉饼，话系必食。
去到，原来得4张枱，3大1小。靓姐拎左汤同饭俾我地，今日系白菜煲鸡。汤睇落好清，但都够火喉。
第一个菜，枝竹斑腩煲，个煲上枱热辣辣的。都几足料，味道啱啱好。
第二个系鸡煲，内有猪肝。几和味
咸鱼煎肉饼上场，又系热辣辣的。唔会太咸，同事仲话食到有甜果添！
鲜鱿炒西兰花，无得唔好食啦！
沙拉骨，呢个就真系麻麻。太多沙律酱喇！
最后系蒜蓉炒杂菜，好大碟，抵食，无炒过龙，好爽脆！
题外话/补充资料：
间野写晒啲菜单系墙上，突然俾我见到有八宝鸭。超想食，不过要预订。同事话下次食。如果好食就唔使去到中环咁远。
呢间野无啲人讲得咁好食，而且环境麻麻！
(以上食记乃用户个人意见 , 并不代表OpenRice之观点。)
张贴