影片
更多
2023-04-02
978 浏览
排队流程：我哋11:15去到，𠮶阵前面有2x人排队，11:30佢就开始放人入去，结果最后我哋前面7个人都入唔到，之后个店员话「如果想食就大概1点几返嚟」，我问佢有冇得排队，佢话冇得排队。（但系，好明显如果你唔等一定冇得食啦」之后我喺𠮶度等咗一阵，有人坐喺门口隔离food court张凳好似想排队，咁我哋就坐喺佢后面，跟住后面就有人开始，跟住我排队了，最后我哋13:00入到去店入面。——————————————————食物：Step 1：「寿喜烧汤底」+「期间限定：四川麻辣汤底」Step 2：「特选杂锦组合$228」+「美国牛颈脊$148」Step 3：「鸟冬」× 2另外仲叫咗「芝士竹轮$18/3条」同埋「迷你芒果芭菲$48」计埋加一，2个人食咗一共$486——————————————————上菜时间及服务态度：一开始，上菜我觉得都算快，10分钟都唔洗就有火锅了，影吓相咁样就差唔多有得食。但是上晒之后佢漏咗个「芝士竹轮$18/3条」，之后叫佢加返都好快。叫佢攞只碗/匙羹𠮶啲都好快，都算有礼貌。——————————————————点餐纸与食物：填点餐纸𠮶度，佢冇位俾我哋填「柚子酱油」定系「
我哋11:15去到，𠮶阵前面有2x人排队，11:30佢就开始放人入去，结果最后我哋前面7个人都入唔到，之后个店员话「如果想食就大概1点几返嚟」，我问佢有冇得排队，佢话冇得排队。（但系，好明显如果你唔等一定冇得食啦」之后我喺𠮶度等咗一阵，有人坐喺门口隔离food court张凳好似想排队，咁我哋就坐喺佢后面，跟住后面就有人开始，跟住我排队了，最后我哋13:00入到去店入面。
——————————————————
食物：
Step 1：「寿喜烧汤底」+「期间限定：四川麻辣汤底」
Step 2：「特选杂锦组合$228」+「美国牛颈脊$148」
Step 3：「鸟冬」× 2
另外仲叫咗「芝士竹轮$18/3条」同埋「迷你芒果芭菲$48」
计埋加一，2个人食咗一共$486
——————————————————
上菜时间及服务态度：
一开始，上菜我觉得都算快，10分钟都唔洗就有火锅了，影吓相咁样就差唔多有得食。但是上晒之后佢漏咗个「芝士竹轮$18/3条」，之后叫佢加返都好快。叫佢攞只碗/匙羹𠮶啲都好快，都算有礼貌。
——————————————————
点餐纸与食物：
填点餐纸𠮶度，佢冇位俾我哋填「柚子酱油」定系「芝麻酱」，我哋都冇填到，佢预设俾咗我哋两份「芝麻酱」，但系我觉得如果就咁食反而仲好食，点知麻将反而好似冇咁好食。
「和牛」同埋「牛颈脊」唔系好食得出分别，「美国牛颈脊$148」得4片，但「特选杂锦组合$228」有「3块猪+2块牛+3旧鸡+2粒丸」，所以都系建议食组合，如果觉得「特选杂锦组合$228」太贵就可以食「经典杂锦组合$168」，不过「和牛」就会变成「美国牛颈脊」。
食物嘅味道都正正常常冇乜特别，冇话觉得好好食，但亦都唔系唔好食，个人觉得「寿喜烧汤底」比「麻辣汤底」好食，唔食得辣嘅就唔好拣「麻辣汤底」啦～
汤底食到最后会变到好多「骨胶原」，𠮶啲「骨胶原」即系固体嘅汤，有啲核突，不过应该系正常嘅，始终系自己食到咁
——————————————————
小熊：
相信大家一定会想影小熊火锅打卡，但我个麻辣汤底小熊火锅，只小熊一瞓低浸温泉之后，佢只脚就甩咗出嚟，所以大家唔好expect好完美
另外，墙纸都有小熊，几靓，同埋有摆啲小熊公仔做装饰
——————————————————
卫生：
大致上都冇乜问题，除咗佢只大铁羹有啲啧，用纸巾抹可以吗抹甩少少
张贴