小茶堂 (已結業)

见到好多朋友都去饮小茶堂，所以咁岩黎到旺角，当然要睇下佢有咩魅力先~点左朋友极力推荐既小山园抺茶鲜奶加珍珠$30，海报显示绿白两层颜色分明，外型几靓。小山园抺茶鲜奶加珍珠:由于加左黑糖珍珠的关系，所以变成有三层颜色，绿色白色，仲有黑色珍珠系底，挂杯效果都几靓。饮落抺茶味好香浓，有抺茶出众微涩，外加有阵阵回甘味，比得上专卖抹茶的抹茶馆。店员用上明治鲜奶的关系，鲜奶既比例岩岩好，所以饮落十分之香滑。加上珍珠烟韧，要求少糖少冰，所以都唔会好甜，味道岩岩好。