韓樂 (新都城中心三期)

营业中

休息中

疫市之下不断扩充嘅餐饮集团，来到新都城中心一连开了三间不同嘅餐厅，呢间韩乐望落去装修都好有气派。因为系平日嘅关系，餐厅唔多人，静静地坐得好舒服。望下个餐牌，价钱都唔贵，叫左两个唔同嘅扒餐试下。呢个系香煎猪扒配餐肉、鲜奶炒滑蛋同蒜香牛油多士。望落去卖相都几吸引，猪扒同餐肉都煎得几香口，炒滑蛋都唔错，件多士就唔多够蒜蓉，个餐还配了啲沙律菜，值得一赞！呢个系香草鸡扒配烟肉、鲜奶炒滑蛋同蒜香牛油多士。呢个餐卖相都同样吸引，鸡扒同烟肉都煎得几好，个餐仲多咗条肠仔添！呢份多士就够哂蒜蓉喇，当堂唔同哂！餐茶叫咗杯特浓即磨咖啡，咖啡都几有香味，好饮！整体都唔错，平靓正，不过似乎太多肉，食完都几滞下。