影片
更多
2018-11-05
67 浏览
呢间餐厅有素食又有肉食又可以自助餐好似几特别，今次去左试佢地既韩式火锅自助餐，原价每位$288加一，而加秋日试食价只系每位$188加一🤩行入去第一下感觉好光猛几舒服，系正中间就系拎野食既地方，餐厅职员带我地坐底之后就俾张点餐纸同餐牌我地并细心解释基本任食有啲咩，另外仲可以追加海鲜饮品等。每两人一锅，有人参鸡锅或者海鲜部队锅，我地拣左后者，另外仲有四款汤底可以拣，今次就试韩国雪浓汤，即系牛骨汤😋我地冇选择追加任何野，因为本身已经有海鲜食，同自助区都有几款饮品。落完单等紧既时候就先去自助任食区睇下有咩可以落肚先，热食方面有咖哩鱼蛋猪皮、关东煮、卤水鸡翼、辣炒年糕。煎饼及炸物区有海鲜同泡菜煎饼、天妇罗。每样试少少，冇太大特别😝🥘等到个海鲜部队锅啦😍有虾、青口、蚬、餐肉、豆腐、公仔面。食材新鲜👍🏻👍🏻之后仲可以系出面既部队锅食材柜继续加码😆😆🥓肉类方面有牛肉、鸡柳同黑毛猪。质素都唔差，牛肉同黑毛猪系我最钟意既☺️🍗炸鸡我地先叫四件，惊会好饱😂果然！件件都好大件，好彩冇叫好多~重点系要点佢啲酱汁，有六款选择咁多，青柠蜜糖酱同炸鸡又几夹㖞，酸酸甜甜，食落会减去炸鸡既油腻感，之后再黎一个混酱🤣发现原来
呢间餐厅有素食又有肉食又可以自助餐好似几特别，今次去左试佢地既韩式火锅自助餐，原价每位$288加一，而加秋日试食价只系每位$188加一🤩
行入去第一下感觉好光猛几舒服，系正中间就系拎野食既地方，餐厅职员带我地坐底之后就俾张点餐纸同餐牌我地并细心解释基本任食有啲咩，另外仲可以追加海鲜饮品等。每两人一锅，有人参鸡锅或者海鲜部队锅，我地拣左后者，另外仲有四款汤底可以拣，今次就试韩国雪浓汤，即系牛骨汤😋我地冇选择追加任何野，因为本身已经有海鲜食，同自助区都有几款饮品。
落完单等紧既时候就先去自助任食区睇下有咩可以落肚先，热食方面有咖哩鱼蛋猪皮、关东煮、卤水鸡翼、辣炒年糕。煎饼及炸物区有海鲜同泡菜煎饼、天妇罗。每样试少少，冇太大特别😝
🥘等到个海鲜部队锅啦😍有虾、青口、蚬、餐肉、豆腐、公仔面。食材新鲜👍🏻👍🏻之后仲可以系出面既部队锅食材柜继续加码😆😆
🥓肉类方面有牛肉、鸡柳同黑毛猪。质素都唔差，牛肉同黑毛猪系我最钟意既☺️
🍗炸鸡我地先叫四件，惊会好饱😂果然！件件都好大件，好彩冇叫好多~重点系要点佢啲酱汁，有六款选择咁多，青柠蜜糖酱同炸鸡又几夹㖞，酸酸甜甜，食落会减去炸鸡既油腻感，之后再黎一个混酱🤣发现原来士多啤梨辣酱都唔错，又唔会太辣👍🏻
🥦疏菜方面都有十多款选择，全部都好新鲜，特别系生菜，同埋有个紫薯年糕我第一次食到，有少少紫薯味，但口感冇平时个啲年糕咁烟韧，几有趣🤓
🥃饮品方面冻饮有三款，比较特别既系青梅汁，开胃消滞。而珍露特饮含有酒精，但味道几特别，可以试下。如果唔想饮冻野，旁边有啲柚子蜜可自行冲热水，好细心！
🍲成餐最钟意系可以自制石头锅饭，大家食部队锅个阵唔好食太饱，留返啲位食佢😜系自助区有哂配料同教学方法，只要跟住整自己都可以整到个好睇又好食既石头锅饭😌虽然个石锅本身已经有油，但建议可以再先落啲麻油，再放白饭同配料，然后再落多小小麻油，咁会香好多！跟住就可以坐返埋位将石锅放系电磁炉上面整热佢，最后打埋生鸡蛋，大功告成💁🏼♀️唔知系咪叫做自己整，觉得特别好食😂😂😂
🍰最后最后当然要食甜品，最好食系绿茶海绵蛋糕😋但另外两款石板街同芒果拿破仑就逊色左啲，面头既威化饼系淋哂，而芒果拿破仑冇放系冻柜，就算系厨房雪柜雪住再拎出去自助区，相信放系室温都有一段时间，到食既时候感觉不太新鲜😟如果大家仲食得落，不妨试埋自制棉花糖同朱古力喷泉，玩得又食得👍🏻整体黎讲呢个价钱系抵食，可惜得90分钟食可能会有啲赶😣
张贴
