Slluks T2 (已結業)

台式饮品店喺香港开到成巷成市，喺登打士街都新开左一间，有别于一般嘅台式奶茶，呢度主打水果茶，非常适合夏日炎炎嘅日子。除咗果茶之外，呢度亦都有果蓉茶，氮气茶，鲜果沙冰，奶盖纯茶，冷泡炸弹茶同埋纯茶。氮气茶都系第一次听，经了解后，知道原来系以冷泡茶加入氮气，透过绵密气泡突显茶嘅香气，充分释放茶香。是日试嘅系荔枝绿研茉莉氮气茶，用可再次使用嘅胶杯盛载，店员仲话胶杯可以攞走，作为纪念。卖相好似啤酒，入口唔甜，茶味香浓，非常清热解渴。除此之外，我哋亦都试咗招牌果茶。一共有五个选择，每一杯都以唔同嘅英文名黎命名。Tommy 超级特调果茶系以茉莉茶 ，芒果 ，菠萝 ，西柚 ，士多啤梨，火龙果同薄荷整成。水果茶生果十分足够，茶味非常浓郁，味道清新，系冇叫少甜嘅情况底下，都唔会太甜，非常解渴。饮完之后，仲可以食杯里面嘅水果，唯一美中不足嘅系用饮管好难食啲水果，如果有埋匙羹供应，咁就更加好啦。