無休站 (已結業)

美孚開了一間撈撈麵檔其實已經一段日子. 但一直都沒有意欲去嘗試此東西. 以往係旺中, 聯合等等商場仔, 一班Cap帽, T恤, 熱褲 既小妹妹經常拿著一小包東東, 兩條竹籤, 吃得津津有味. 再有一次, 一名小姑娘, 嚷著叫其爸爸去試, 口中只有勁好味, 等等比伙頭智多星更垮張既形容詞去形容點好味法...........究竟呢包野有什麼魔力去迷到萬千少女呢, 就勇敢地一試. 是日, 無聊的一個假日, 沒有出旺角那些女仔商場食, 美孚有間, 就不如就地一試. 老闆大哥, 教我點配搭. 叫了一個比較傳統的拉麵, 加了螺肉, 帶子邊, 同中華沙律. 加一些日式燒醬, 再撈撈撈, 撈完一包麵仔插兩支竹籤. 就是完成品.邊行邊食, 那個日式醬汁是味道的主要來源, 其他什麼配料, 其實碎到冇乜口感. 我口中只有醬同麵. 濃郁的日式燒醬, 沒有什麼人不喜歡的, 小小的一包, 有野落肚, 又食唔飽班女生, 原來這就是吸引的地方. 我有點明白了. 不過, Still not my pack of noodle.....