寿司造 (莊士敦道) (已結業)

日本同台湾嘅便当真系好有心思，味道又好；但喺香港，大家食外卖通常都系追求快捷同方便，可能随随便便，填饱个肚就算。其实外卖都可以好有质素，而其中一间我哋就推介嘅就系寿司造喇！寿司造嘅食材由日本渔市场直送，加上由资深寿司师傅新鲜捏制，所以好评如潮，而继沙田分店之后，喺湾仔开设第二分店。湾仔分店更推出三款限定嘅鲜鱼熟成寿司，咩系熟成寿司？要试试先得！寿司造寿司造虽然系外卖店，但食客可以透过透明玻璃，欣赏寿司嘅制作过程！而寿司造嘅鱼鲜由九州市场、丰州市场、大阪市场等空运直送，至于米饭更挑选福井越光米，绝对系日本原味道。熟成寿司熟成牛扒就听得多，熟成寿司又系咩呢？要制作熟成寿司，温度、空气同水分控制都好重要。首先，鲜鱼要先去除内脏同去鳞，再用纸包裹鱼肉、抽真空同浸冰水，过程中要定时更换包裹纸，以防止细菌生长。喺熟成过程中，鱼嘅酵素作用分解鱼肉中嘅蛋白质、脂肪同糖原，后再转化成氨基酸、脂肪酸同糖，令鱼嘅味道大大提升，变得更鲜甜，鱼味浓郁甘香。熟成蓝鳍吞拿鱼寿司熟成蓝鳍吞拿鱼嘅肉质确实有啲唔同，鱼肉油香满溢，鱼味更浓郁，口感更质感软滑。熟成𫚕鱼狮鱼嘅鱼肉油香十足，味道鲜甜，甜味非常突出。柚子渔师三味