牛皇莫

营业中

休息中

餐厅提供好多刁钻部位，好似颈脊、肉眼边、腩头、挽手、腩心、金钱𦟌、牛坑爪、牛白肉、牛心顶等等。有啲连个名都系第一次见，好在有职员耐心讲解下，如果唔系真系无从入手🫣牛颈脊位于背脊近头嘅位置，带少少肥膏，软嫩又不失牛味。牛挽手系胸小肌，即系前腿连心口位置，肉味油香十足又带有嚼劲，非常值得一试！牛心顶系连住牛心嘅血管，雪白颜色好特别，口感超级爽脆，第一次食感觉几得意😎 鲜牛脷切成一口size, 夹住放落去渌10秒左右就食得。当然唔少得自制牛肉乌冬啦🫶🏻食到差唔多嘅时候，职员喺青红萝卜牛蹄锅入面捞起牛蹄，剪晒啲牛筋出黎，原来有成碟咁多😯好似啫喱嘅牛筋好滑好冧好入味！除左牛之外，手打四宝丸都好出色，包括牛丸、墨丸、虾丸同鲮鱼丸。几中意佢嘅墨丸同虾丸，特别弹牙同有鲜味，果然手打系与别不同💕 炸鱼皮都好大片，就咁食或者浸一秒汤都好好味🤤 最后饮埋茅根水，消暑解渴。