Joyful Dessert House (已結業)

晚饭过后想揾甜品食，忽然好想食心太软，好唔容易先系铜锣湾闹市中揾到呢间米芝莲推介既甜品铺。朱古力心太软:虽然近年黎心太软既款式越出越多，除左典型既朱古力之外，绿茶，香蕉等等都相当出名，但系我此终都系喜欢食最传统既朱古力心太软。心太软系即叫即整，所以等候需时，刚焗起既心太软，外脆内软，切开心太软后，香浓既朱古力浆就慢慢流出，甜度适中，再配埋香滑既云尼拿雪糕，冷热交替，感觉真系好特别。芒果窝夫窝夫烘得刚刚好，入口非常松软，唔会过硬，配埋芒果雪糕同好香甜既芒果粒一齐食，令人越食越开胃。虽然附送糖浆，但系个人认为唔洗落都已经够甜啦。