影片
更多
2018-05-31
298 浏览
如果将铜锣湾登龙街称为「拉面街」，我相信大家都会有所共鸣，因为呢到既拉面店愈开愈多，当中大部分都系过江龙，由日本开到黎香港。上星期放假，约左一个大学同学聚旧。我地都系「拉面控」，所以决定黎登龙街觅食。一转入登龙街，映入眼帘既就系呢间名为「梅光轩」既拉面店。我印象中佢唔系开左好耐，应该系新进驻既店铺，喺日本因为获得米芝连既殊荣而收获左唔少名气。我同朋友睇见价钱相宜，卖相亦吸引，于是就入去捧场。店内装潢充满日本风格，细小而红彤彤既餐桌令我回忆起曾经到访过既日本地道拉面店。墙上贴满餐牌同埋各式各样既宣传单张，为食客推介各种美食如抹茶蕨饼。枱面仲有调味架、筷子筒、牙签同纸巾。调味架上放满多款调味料，包括芝麻、辣椒油、干脆蒜蓉粒、油、胡椒同豉油等等，任君选择。大家可以因应自己既需要同喜好加入适量既调味料，令食物既味道更上一层楼。餐牌有两面，用左中文、日文同英文三种语言列出食物名称，仲附上图片，非常贴心。拉面既价钱合理，如果大家想品尝小食但又怕一份拉面太多，可以点选半份。由于我同朋友都非常中意食拉面🍜，所以决定点全份，感觉上更加抵食。酱油拉面 $75我选择左传统既酱油拉面，亦都系店内推介既一款，声
上星期放假，约左一个大学同学聚旧。我地都系「拉面控」，所以决定黎登龙街觅食。
一转入登龙街，映入眼帘既就系呢间名为「梅光轩」既拉面店。我印象中佢唔系开左好耐，应该系新进驻既店铺，喺日本因为获得米芝连既殊荣而收获左唔少名气。
我同朋友睇见价钱相宜，卖相亦吸引，于是就入去捧场。
店内装潢充满日本风格，细小而红彤彤既餐桌令我回忆起曾经到访过既日本地道拉面店。墙上贴满餐牌同埋各式各样既宣传单张，为食客推介各种美食如抹茶蕨饼。
枱面仲有调味架、筷子筒、牙签同纸巾。调味架上放满多款调味料，包括芝麻、辣椒油、干脆蒜蓉粒、油、胡椒同豉油等等，任君选择。大家可以因应自己既需要同喜好加入适量既调味料，令食物既味道更上一层楼。
餐牌有两面，用左中文、日文同英文三种语言列出食物名称，仲附上图片，非常贴心。拉面既价钱合理，如果大家想品尝小食但又怕一份拉面太多，可以点选半份。由于我同朋友都非常中意食拉面🍜，所以决定点全份，感觉上更加抵食。
酱油拉面 $75
我选择左传统既酱油拉面，亦都系店内推介既一款，声称系最受大众欢迎。呢款拉面正正系喺日本获得米芝连一星殊荣既酱油拉面，汤底清新，带有浓淡适中既酱油味。拉面烟韧弹牙，软硬适中。酱油味道愈食愈浓郁，但又唔觉得腻，唔知系咪同加入大量香葱调味有关，令人食唔停口。
另外，面内既两片豚肉好似手掌般大，豚肉既鲜味同酱油香气相衬，难怪大获好评。
炙烧五花叉烧拉面 $98
虽然同样点左酱油汤底，但呢碗拉面同上面既酱油拉面味道不一，师傅选用既配料亦都截然不同。可能因为整体味道偏浓，所以加入左香口既芝麻同埋紫菜。
炙烧五花叉烧既份量亦都好足料，有整整三大片🥓😍 五花肉经过炙烧之后，入面既油脂被逼出，入口既油腻感大大减低。
烧过既五花肉令酱油汤头带有浓浓既香烤味道，再加埋溏心蛋、笋同埋其他配料，令到成个拉面充满多重味道，我地都好中意呢款别致既拉面。
我同朋友各自食完全份拉面后，已经觉得非常饱，今次无缘再试其他小食。我地对当日既晚餐非常满意，店员既服务态度亲切，又不断为我地添加茶水，令众多食客宾至如归。
米芝连一星呢一个名誉并非浪得虚名，个人认为佢既汤头同拉面的确出色。如果想用合理价钱品尝米芝连美食，「梅光轩」绝对值得大家一试。就算冇米芝连既光环，我都想推介俾身边既朋友，等大家好似用平价食到有水准既日式拉面。
张贴
