萬寶素食館 (已結業)

上一次嚟食斋时见到隔离枱打素食边炉已经决定下次要试下，上两星期终于揾到时间嚟！我哋比较晏先食饭，所以上到楼上已经得返几枱客人。叫咗个细嘅素食火锅。餐厅有一个自助吧，有不同生果、凉粉同埋糖水。等紧嘢食时，我哋都食咗啲梨同埋提子！上次嚟嘅时候水果比较多款色，可能今日妟咗，所以得两种。之后姐姐就拎酱料比我哋自己调，仲好推介我哋试麻酱哗！虽然我哋叫咗细份量，但都唔细啊！好多种类！我哋一路食到得返两枱客人，心入面好唔好意思，好似阻住人收工咁。但职员仲一路好好咁问我哋要唔要加水，又叫我哋慢慢食，唔洗急！到到走嘅时候，仲问我哋做咩唔食埋糖水先走，但我哋已经好唔好意思！服务真系好好！！！下次一定会再嚟