影片
更多
2020-09-15
848 浏览
星期日朝早出咗去观塘工业中心𠮶边拎集运，之后就买埋外卖午餐返屋企食。本身谂住帮衬沙X王，但我揾唔到个入口😂。再行多两步，就见到有间好似工厦食堂嘅餐厅，门面有啲羊嘅相，个名仲好鬼长同特别，叫做「云南啊老表黑山羊汤锅米线」。咁一句讲晒即系食米线啦🍜！入到餐厅，堂食环境不过不失，冷气充足，舖入面亦系有好多山羊相，旁边仲有啲文字介绍食羊嘅好处。过咗阵阿姐就走埋嚟招呼我，但我未谂到食乜，因为未食过，所以要望下啲餐牌👀。我同呀爸呀妈三个人食，叫咗两份正餐同两个小食已经够哂饱👍。餐厅抵赞嘅地方系会主动将汤同饭面分开，避免浸淋。羊肉大碗米线($60)，我要咗清汤，因为唔钟意酸辣。大碗米线份量真系够哂大，两个人食啱啱好，但略嫌面质比较淋身，底部有啲碎。🐐羊肉几好食㖞，个样薄薄哋，有啲似牛腩，但系一食有阵羊膻味就分得出。不过羊膻味唔会过盛，几好食😋。羊肉以外，我加咗$9要猪大肠，呢个就一般般，因为比较肥😳。另外，呢度米线嘅其中一样特色系有落猪油渣，虽然佢唔系脆𠮶种，但过下口瘾都OK。牛腩汤饭($45)，呢个有啲似面舖嘅清汤腩，味道唔错啵！🐮牛腩量唔少，以正方体为主，肥瘦适中，餐厅仲搭多两条生菜喺个汤度。美
咁一句讲晒即系食米线啦🍜！入到餐厅，堂食环境不过不失，冷气充足，舖入面亦系有好多山羊相，旁边仲有啲文字介绍食羊嘅好处。
过咗阵阿姐就走埋嚟招呼我，但我未谂到食乜，因为未食过，所以要望下啲餐牌👀。
我同呀爸呀妈三个人食，叫咗两份正餐同两个小食已经够哂饱👍。餐厅抵赞嘅地方系会主动将汤同饭面分开，避免浸淋。
羊肉大碗米线($60)，我要咗清汤，因为唔钟意酸辣。大碗米线份量真系够哂大，两个人食啱啱好，但略嫌面质比较淋身，底部有啲碎。🐐羊肉几好食㖞，个样薄薄哋，有啲似牛腩，但系一食有阵羊膻味就分得出。不过羊膻味唔会过盛，几好食😋。
羊肉以外，我加咗$9要猪大肠，呢个就一般般，因为比较肥😳。另外，呢度米线嘅其中一样特色系有落猪油渣，虽然佢唔系脆𠮶种，但过下口瘾都OK。
牛腩汤饭($45)，呢个有啲似面舖嘅清汤腩，味道唔错啵！🐮牛腩量唔少，以正方体为主，肥瘦适中，餐厅仲搭多两条生菜喺个汤度。
美味口水鸡($32)，🐔近嚟成日试口水鸡，因为钟意咗食辣嘛。佢呢个辣偏酸而不麻，而且🌶辣味在后劲。呀妈赞个鸡有鲜味，唔系雪藏鸡。
麻辣猪耳($25)，呢样我无食，佢哋话只辣系同口水鸡一样，而🐷猪耳本身就几爽口。
总括嚟讲，今次系我初尝羊肉米线，味道同我想像中唔同，因为易入口好多🙈，我觉得都值得一试嘅。价钱就中等啦，一碗羊肉米线要成$60算偏贵，不过始终系招牌嘛～。
张贴
