露台餐廳

营业中

休息中

好耐冇去饮😂仲要去到浅水湾嘅露台餐厅参加西式婚礼，对上一次嚟已经有六、七年前，之前都系食下午茶，今次可以试吓婚宴。呢度充满住古典气质，连厕所个厕所板🚽都系用木板做😅同埋佢哋嘅服务同埋食物水准的确唔错👍讲返正题，今晚嘅菜单啱晒我食，头盘系带子配芒果沙律，带子系用生带子配芒果好清新，之后有浓厚嘅龙虾汤，入面有一粒龙虾饺好鲜味😋跟住到酥炸蟹钳不得了！香脆外壳但内里弹牙👍主菜拣咗安格斯牛柳，出面好似好熟咁，好彩入面五成熟啱啱好又有肉味唔错。最后到甜品心太软冇流心比较失败，可能大批制作难控制．之后仲Petit four 有迷你果挞及朱古力，为呢餐画上完美句号。