影片
更多
2022-11-13
1140 浏览
星期四收工去东涌打边炉之前行OUTLET新𠮶边嘅时候， 门面装修行日系简约路线 以唔同产地嘅和牛木牌做装饰， 非常吸引。 再加上门口经常有排队人潮。 好耐之前已经对呢一间日式打边炉留低印象， 成日心思思谂住过嚟试吓。 今日终于决定两个人过嚟试吓，佢算系中价位嘅美国极黑和牛火锅放题。 虽然自己系牛魔王，亦都非常钟意食好肥嘅和牛。 但系考虑到价钱同埋系食放题， 霜降或者M9+ 的话反而会太腻食唔到几多。 睇完餐牌果断决定$285/人 嘅中价位美国极黑和牛。 正式开餐之前行一圈自助区先， 餐厅提供基本火锅配料，例如牛丸、金菇，豆腐，乌冬， 等等。 当然仲有各种蔬菜。 我呢一晚应该系主打皇帝菜， 摆咗非常大一盘喺度。 睇落选择唔算10分多， 但系之后食完发现原来会样嘢质素都唔错。 应该餐厅方面嘅路线系贵精不贵多。 摆放火锅配料嘅开放式雪柜左边系甜品吧， 常温嘅甜品只有三款包括芝士蛋糕和果子同埋芒果布甸。 而右边系饮品柜， 饮品方面就非常大路， 基本都系汽水同埋放题餐厅， 老是常出现嘅韩国红茶、忌廉沟鲜奶、 道地乌龙茶、蜂蜜雪梨茶之类。 自助区嘅另一边就系雪糕柜提供MOVENPICK 雪糕同埋一
今日终于决定两个人过嚟试吓，佢算系中价位嘅美国极黑和牛火锅放题。 虽然自己系牛魔王，亦都非常钟意食好肥嘅和牛。 但系考虑到价钱同埋系食放题， 霜降或者M9+ 的话反而会太腻食唔到几多。 睇完餐牌果断决定$285/人 嘅中价位美国极黑和牛。 正式开餐之前行一圈自助区先， 餐厅提供基本火锅配料，例如牛丸、金菇，豆腐，乌冬， 等等。 当然仲有各种蔬菜。 我呢一晚应该系主打皇帝菜， 摆咗非常大一盘喺度。 睇落选择唔算10分多， 但系之后食完发现原来会样嘢质素都唔错。 应该餐厅方面嘅路线系贵精不贵多。 摆放火锅配料嘅开放式雪柜左边系甜品吧， 常温嘅甜品只有三款包括芝士蛋糕和果子同埋芒果布甸。 而右边系饮品柜， 饮品方面就非常大路， 基本都系汽水同埋放题餐厅， 老是常出现嘅韩国红茶、忌廉沟鲜奶、 道地乌龙茶、蜂蜜雪梨茶之类。 自助区嘅另一边就系雪糕柜提供MOVENPICK 雪糕同埋一啲应该系韩国雪条。 因为自己对雪条兴趣不大，所以立下眼望记得应该系椰子味同埋榴梿味呢一类型嘅热带水果口味。 至于酱料区就系基本火锅放题餐厅有提供嘅呢度都会有， 日式火锅我最钟意配嘅麻酱呢度都非常出色。 对于行豉油路线嘅朋友仔，呢度都有提供生蒜、 辣椒碎、芫荽碎同埋葱花。 一定要有饭落肚嘅同行友人亦都被店家关照， 事缘呢间餐厅有提供白饭同埋咖喱。 我自己冇食，但系朋友话个 日式咖喱饭唔错。 饭同咖喱旁边亦都有摆热水同埋茶包形成一个小角落嘅热食区。
巡完场之后，当然要直奔主题。 坐低之后 只需要告知店员自己想要食边一个级数嘅牛肉，同埋想要咩汤底就已经可以。 呢间餐厅系采取一人一锅嘅方法，所以我哋两个人系可以拣两种唔同嘅汤底。 汤底嘅费用，亦都已经包括喺人头收费入边。 我哋两个人分别拣咗一个猪骨汤底同埋一个龙虾汤底。 猪骨汤睇落同埋识落都唔算非常浓郁， 系就清甜路线。 虽然相对清淡，但系出乎意料地唔错。 而龙虾汤底嘅龙虾味就非常明显亦都非常浓郁重口味嘅朋友应该会非常钟意。 拣好晒所有嘢之后，店员就会先上一ROUND肉。 唔系讲笑，啲牛肉真系好食！ 我谂主要系因为餐厅冇刻意将啲牛肉切到好薄，好似外面大部份火锅放题惊人食穷佢咁。 净系呢一个经营态度已经足够令我正皮佢。 牛肉有一定厚度，油花分布又均匀，我当然唔可以浪费食材。我自己就只系将牛肉放落去微微地滚起嘅汤入边 10秒8秒就攞返上嚟， 真系要讲嘅话应该系五成熟左右，简直系完美。 美国极黑和牛，唔系𠮶种入口即溶嘅牛肉。 食落系有咬口、弹牙，而又充满油香同埋牛味嘅一种牛肉。 第一ROUND 一共五盘肉， 入面有4牛1猪。 个猪肉弹牙亦都冇骚味， 系一个唔错嘅猪肉，但系可惜今晚嘅主角系牛肉，个牛亦都真系太出色，所以其他嘢都比下去。 最后我哋喺正餐部份食咗两ROUND肉， 总共两碟猪肉八碟牛肉。 虽然话相对冇咁肥腻， 但系始终油花充足，食完都真系好饱。 除咗高级单点火锅店嘅手切牛颈脊/ 牛小排可以相提并论之外我谂都有一段时间冇乜食过咁有质素嘅牛肉。
自己觉得呢间餐厅非常用心嘅地方，就系在于见微之处。 一般日式火锅店提供豆腐唔溶溶烂烂已经可以算系还得神落， 而呢就非常有趣地 整齐排列，并且提供表面经过炙烧嘅豆腐。 仲有就系牛丸，食起上嚟嘅感觉同风格系近似乜兴 𠮶只牛骨浓汤牛丸， 牛丸入边系有一个个小泡泡会爆汁𠮶种。 呢啲细微之处，真系好讨喜。 尤其是系当你见到款式唔算多，可能会同期望有落差嘅时候佢再比到啲有质素嘅食物你。 正正系呢种铺排就会令乘客有一种喜出望外超出预期嘅感觉。 系呢一点上面餐厅型做得非常好， 毕竟 出街食饭就系 追求食物嘅质素同埋服务。 即使摆100 款你唔会食嘅嘢系你面前，谂返又真系意义不大。
去到甜品，当然就系另一个回本位MOVENPICK 雪糕啦。 朱古力味同埋草莓奶冻味， 呢两只味简直就系王牌。 至于非预先包装嘅甜品，我自己就净系食咗芝士蛋糕， 朋友就食咗和果子。 呢两样甜品唔算咩惊为天人嘅好食， 但系食完饭食啲咁样嘅甜品小点心都算系几舒服。
总结呢一餐系非常满足嘅一餐， 非常欣赏餐厅嘅用心，同埋系食材方面嘅选择。 值得推荐！ 美中不足嘅就系如果为容量可以大啲，食多几碟靓牛肉就好。
张贴
