回憶客棧

营业中

休息中

最近上网睇到饮食page介绍花粉甲好吸引，放假揾埋友人一齐去试试先。花甲粉有五款，配料可以拣葱、芫茜嘅份量，辣度都可以拣。左边系阿萨姆奶茶，饮落好甜。右边系乌龙茶，无糖饮落清甜又健康。铁锅装住嘅一包锡纸就系花甲粉，一打开就散发一阵蒸气。花甲大概有八粒，食落爽口无沙够干净，味道好鲜甜。花蟹将成只切开三件煮，size大概有手掌咁大。蟹肉肉质结实，味道好新鲜清甜。基围虾有三只，虾肉鲜嫩爽脆。基本配料除咗葱同芫茜外仲有金菇，煮得腍腍地啱啱好。粉丝吸咗花粉汤底嘅鲜甜味，食落好滋味！