潮福蒸氣石鍋 (已結業)

其实好耐之前兴蒸气石锅𠮶时，已经有留意潮福了，因为当时唔觉有乜地方系有做任食。所以去左女人街𠮶间铺试下，而且无咁多人。张点菜纸，每人包一次乳鸽，花蛤，龙趸肉，炖汤，4款海鲜。其他就任点，虽然任野食唔算多，不过都够哂食。豉油吧都几多调味料。任饮都几多可以拣，仲有啤酒都系。(小心隔离个雪柜都有啤酒，不过系收费的)先黎乳鸽，每人半只。虽然唔热，不过都暖暖地，几香口。每人1盅炖汤，好够味，可能系天气冻关系，黎盅热汤即时成个人舒服好多！粥底就要左南瓜排骨。龙趸肉几新鲜，蒸完唔散，扇贝同蚝都有粉丝垫底，之后熟左再加豉油，正！几只手打丸都好弹牙，尤其是墨鱼丸。和牛蒸一烝好快有得食，所以唔会韧，而且蒸完更加有肉味！姜汁糕同马拉糕必食！新鲜蒸上黎即食，马拉糕好软熟，姜汁糕好香到最后食南瓜粥，啲南瓜已经溶哂，成个粥好香，又唔稀，不过食到尾已经好饱食唔哂。