影片
更多
2009-07-27
8 浏览
第一次写食评...多多指教!!! 星期日下午喺铜锣湾剪完头发行到过来买野, 剪到4点几lunch都未食,途经闻名已久嘅杨记, 决定来一碟人生第一次嘅虾籽捞面!!!楼面都几新净, 一入去就睇睇个餐牌...选择都几多, 都唔知点配搭好...因为减紧肥, 仲谂住食米线, 阿姐就介绍我食捞面啦, 谂谂吓...入得来唔试吓捞面系唔会心息...唉~都系忘记减肥...一餐咁多啦~终于决定试个土鱿虾籽捞面啦!! 阿姐唔该~ 捞面到!! 首先第一吓闻到嘅唔系刺鼻嘅碱水味,(因为公司附近间茶仔嘅云吞捞有强烈碱水味...所以有一段时间唔敢食捞面....)继而就系带有虾籽香同葱味嘅热气升上来到我鼻尖~再欣赏一下捞面旁边热腾腾嘅大地鱼汤, 闻落有d似妈妈煲嘅老火汤, 好浓郁, 浓到碗底都睇唔到,同平时食捞面伴食嘅汤好唔同!好啦...影够相, 欣赏够, 开始验明正身先~虽然只系得面, 虾籽, 鱼汤, 葱同土鱿, 无任何酱汁,不过可能我平时都食得清淡, 所以都觉得够味, 反而咁样可以试真d各种材料嘅味道~面 : 够热, 软硬适中, 食唔到有碱水味, 有蛋香, 好味!!虾籽 : 第一次食虾籽, 捞埋d面同葱一齐食,
星期日下午喺铜锣湾剪完头发行到过来买野, 剪到4点几lunch都未食,
途经闻名已久嘅杨记, 决定来一碟人生第一次嘅虾籽捞面!!!
楼面都几新净, 一入去就睇睇个餐牌...
选择都几多, 都唔知点配搭好...
因为减紧肥, 仲谂住食米线,
阿姐就介绍我食捞面啦,
谂谂吓...入得来唔试吓捞面系唔会心息...
唉~都系忘记减肥...一餐咁多啦~
终于决定试个土鱿虾籽捞面啦!! 阿姐唔该~
捞面到!! 首先第一吓闻到嘅唔系刺鼻嘅碱水味,
(因为公司附近间茶仔嘅云吞捞有强烈碱水味...所以有一段时间唔敢食捞面....)
继而就系带有虾籽香同葱味嘅热气升上来到我鼻尖~
再欣赏一下捞面旁边热腾腾嘅大地鱼汤,
闻落有d似妈妈煲嘅老火汤, 好浓郁, 浓到碗底都睇唔到,
同平时食捞面伴食嘅汤好唔同!
好啦...影够相, 欣赏够, 开始验明正身先~
虽然只系得面, 虾籽, 鱼汤, 葱同土鱿, 无任何酱汁,
不过可能我平时都食得清淡, 所以都觉得够味,
反而咁样可以试真d各种材料嘅味道~
面 : 够热, 软硬适中, 食唔到有碱水味, 有蛋香, 好味!!
虾籽 : 第一次食虾籽, 捞埋d面同葱一齐食, 虾籽嘅咸香为面条调味, 唔会太咸, 好味!!
土鱿 : 较软身, 唔似出面食车仔面个d土鱿硬掘掘又无浸到晒味, 唔错!!
鱼汤 : 饮完唔会口干, 仲有一阵回甘喺口腔内, 之后再食一口虾籽捞面, 汤同虾籽嘅味好夹, 好出色嘅配搭, 好好味呀!!!
唯一一样改善嘅就系最好俾多d葱啦...因为食到后半段见d葱已经有d后劲不继唔够食...
好满意嘅一餐!!! 埋单都系廿几蚊, 抵呀!!! 一定会有下次帮衬!!! 下次试吓其他野先~
张贴
