王幺妹黔川米線

营业中

休息中

以前响红磡返工都系同事带我去揾食，知我未食过贵州嘢，今日相聚就带我去，佢话呢间平日午餐时间好多人架店仔细细祇有十多个坐位，不过都干净企理嘅。餐牌看来有好多配撘，有面、米线、红薯粉、河粉、泡饭等。味道有不辣、酸辣或麻辣，仲可以拣BB辣、小辣、中辣及大辣。枱上仲有调味料，嫌唔够味仲可以自己加。我哋每人叫一个粉，再加2个小食。贵州遵义羊肉酸辣红薯粉，未食过都系试下BB辣好啲。BB辣颜色望落都ok羊肉瘦薄有口感，几有羊味，又唔膻，红薯粉软硬度适中，配菜有葱、香菜、竹笋、生菜和酸豆角，口感丰富，滋味惹味又好味酸辣汤底，听闻系用咗贵州黑醋越食越开胃。旧同事叫咗什锦红薯粉，上面有好多𩠌，牛丸、鱼蛋、墨鱼丸、龙虾丸、猪软骨、酸豆角，佢成碗食哂，好满足咁样。水煮鱼香辣惹味猪手腍得嚟仍然弹牙有咬口猪皮充满骨胶原，个汁都好味当然要饮啲冻冰冰嘅嘢解吓辣啦，王老吉同豆浆都系跟餐加$10。整体食物份量多，味道质素都不错，进食期间，见客似云来，看来这间店是颇受欢迎的据店员说材料都是由贵州入口，连辣椒也是家乡自种，所以口味与别不同。