汀汀烤活魚 (已結業)

生日饭一浪接一浪，都到尾声喇。压轴出场的系熊妹好好友莎莉呀，好了解熊妹心的莎莉知道熊妹成日都食西餐，一定闷透了，特别拣选中式仲卜定位同熊妹庆祝，好抵锡的莎莉！《汀汀烤活鱼》，明显系食烤鱼锅喇，即系烤鱼🐟打边炉🍲。星期六夜晚，唔算太多人，无咁逼无咁嘈。莎莉其实之前同朋友黎试过喇，所以介绍熊妹食烤桂花鱼锅，$348，再加香辣酸菜，$18，因为莎莉激赞啲烤鱼配酸菜超好味。🐠鱼来了，都唔算好大一条，有好多好多酸菜呀，熊妹好钟意食酸菜架，香辣辣椒酱🌶️又唔算太辣，不过都几浓味，酸辣鱼系几特别，好少食到，莎莉介绍得唔错。桂鱼肉唔算太多，熊妹同莎莉食下食下都差唔多清哂，未够饱，所以再点啲配菜。点少少饱肚的配料喇，拣左个自选双拼饺🥟（8粒），$68。莎莉想食水饺，咁熊妹就拣鱼皮饺喇。唔算好大粒，不过好足料，水饺入面有木耳，猪肉，系酸菜锅煮下已经好够味；鱼皮饺饺皮烟烟韧韧，好有口感，正。餐餐要食菜的熊妹又点少得叫蔬菜呢。莎莉由得熊妹拣，熊妹拣左油麦菜（全份），$32，因为油麦菜配浓味汤汁应该好好味。全份真系好多菜㖞，一个大篮装得满满的🌿，而且好新鲜，棵棵翠绿色，一啲枯叶都无，好似刚刚种起咁，而且洗得好干净