渝味曉宇重慶老火鍋 (新城市廣場) (已結業)

约咗朋友系沙田睇家私，又好想打边炉，就发现呢间渝味晓宇，就book咗位晚市。 佢晏就打电话黎confirm booking。环境都几舒适， 2个人呢讲，座位都算欢堂。用QR code落单。未叫嘢食之前，每人有一碗雪耳糖水！我哋点左鸳鸯锅，一边系大骨汤一边系重庆麻辣。我朋友食得辣🌶🌶🌶，佢就觉得唔够辣， 我一开始就觉得啱啱好，之后愈食愈辣，但系都好过瘾。再后期......我都集中返系大骨汤🤣🤣，呢个叫鸳鸯锅嘅好处。我地叫左圣子、牛舌、莴笋片、干贡菜、毛肚、牛心椗、重庆耗儿鱼、苕粉、鸭血、黄金菇同重庆炸酥肉。因为得2个人，好多样都叫半份，试多啲唔同嘢食。干贡菜食落嘅感觉新鲜，十分脆口。黄金菇同金菇冇咩太大分别。苕粉吸晒麻辣汤d味😋！牛心椗冇咩味大部份嘢食都有个牌仔写住要渌几多分钟，另外每张枱都有个Timer。洛神花茶卖晒，唯有叫左一渣罗汉果茶。甜品叫左一入到去就想叫嘅红糖糍粑！烟烟韧韧，加埋红糖，真心钟意食！