八不·壽喜燒

营业中

休息中

今日嚟开呢头倾野，心血来潮，想试吓食关西风嘅寿喜烧，就嚟到门面好有日本风既八不试下。餐厅主打关西风嘅寿喜烧，所谓关西风，就系要将啲肉煎咗先，跟住落啲寿喜烧汁落去，今次食咗牛板健嘅寿喜烧set，食开牛既都知呢个肉本身肉味会比较丰富啲。店员好细心咁样示范点样整，之后由我哋就开始煎，都唔系太难上手，本身牛肉味好香浓，同埋有蛋汁配埋一齐食。食完牛肉之后仲有一大盘嘅蔬菜，店员上菜𠮶阵除咗有一支寿喜烧汁之外，再会有一支高汤，高汤闻落去，应该似系落咗柴鱼片同埋昆布，系非常正宗日本嘅dashi . 蔬菜吸收咗寿喜烧汁高汤同埋牛嘅香味。可以话集百家之大成！ 蔬菜配搭亦都非常正宗。睇到隔篱，见到佢A5和牛品质都好似唔错，下次会试吓佢嘅日本和牛。