Hungry Lobster (已結業)

自从唔知几时有人介绍过日本的龙虾包，热潮一直维持至今！成日久唔久就会系脸书见到人地食龙虾包，一直都心郁郁想试！想左咁耐，心动不如行动，即兴约朋友去食！登龙街有两间都系食龙虾包，今日就决定左试Hungry Lobster先！８点几去到，好彩唔洗等位。坐低之后环顾四周都系叫左龙虾包，我地除左龙虾包之外，就叫左个卡邦尼意粉同埋一支蜜糖味的酒。讲番正题，龙虾包好很足料，有两只原只钳，食落系啖啖肉，而龙虾肉相当有口感，好弹牙！个包有跟一个汁同薯条，个汁我估系龙虾汁，味道系酸酸地，有少少似青柠味！个包焗得好脆身，而且超香牛油味，加埋一齐口感唔错，绝对系水准之作！薯条系即叫即炸，炸到好脆口。至于卡邦尼意粉，就好香芝士味，而且每条意粉都挂到酱汁，绝对唔会干。我点既饮品系La Goudale，入口好清新，而且带甜，仲有蜜糖同橙香味，不过份量就少左Ｄ，好快就饮完。临走时仲发现原来有lunch set, 睇落好似几抵, 下次有机会再来试试其他美食!