藏 (已結業)

食日本野一般俾人感觉好轻盈，少盐少油食极唔肥咁。 今日同姊妹们食饭，嚟咗KURA食Omakase。 但今次特别啲，嚟一个hot dish omakase，无鱼生嘅，好期待。 先拣返支酒做配搭，店员推介呢款【匠 纯米大吟酿】，大大支，价钱又唔贵，啱晒开心share。 入口香醇柔和，唔呛鼻，米酒味重又带少少果香，好啱女仔饮。嘢食陆续上枱。前菜系汁煮鲍鱼，新鲜弹牙，开开胃。海胆蒸蛋我觉得系最好食嘅一道菜，蒸蛋超嫩滑，而三文鱼籽同海胆嘅鲜味渗入蛋入面，正！Hot dish系油扬卷物，油扬包住甘笋同鱼肉，味道清淡。龙虾牛油烧都系好好食嘅一道菜，龙虾肉质弹牙又有香浓牛油味，配菜有甜栗子同可爱鱿鱼仔。什锦天妇罗当然有炸虾，最特别系有紫苏叶包蟹肉，味道清香仲有啖啖蟹肉。 带子亦出色，好厚肉。 仲有最右边嘅炸梅子面，又靓又好食。倾计中途见两个师傅好细心咁慢慢片箩白再切丝，以为佢整乜正野，原来系下一道菜野菜手卷。热乌冬系最后嘅主食，饱肚又暖身，汤底清甜。最后甜品系爽甜嘅日本富有柿同小蛋糕。另外仲有情人节餐供应，餐牌有心思好精美。