養心殿台式養生鍋 (已搬遷) 新店位置

養心殿台式火鍋個名，聽就成日聽，但就未去試過，今次終於的起心肝，去到位於旺角既分店試試。由於有預先訂枱，唔需要多等就可以坐低。食火鍋，最重要當然係個鍋底，我揀左秘制薑母鴨鍋，裡面十分足料，有冬荀、馬蹄、當歸，當然仲有主角，紅面番鴨。原本以為個鍋淨係得湯，原來有好多料，仲係好厚身既鴨肉。丸類拼盤，其中幾特別既丸有鵝肝墨魚丸、梅菜豬肉丸同埋黑松露蝦丸，都係我第一次試。仲有餃子拼盤，令人難忘既有自家製極品水餃同麻辣牛肉餃。大大條既響鈴當然食打邊爐既必食次選。此行仲食左肥仔黃同事大力推介既炸午餐肉，酥炸既外皮加上厚切既午餐肉，明知熱氣都忍唔到手，肥仔黃果然識食啊！