鐵板燒海賀

营业中

休息中

今日女朋友同我慶祝生日🎂，book左📍The One既鐵板燒食，成就左我第一次食鐵板燒，我以前覺得鐵板燒只係當係表演，質素同性價比唔會高，但今次令我有啲改觀。前菜有冬瓜🥒，木魚味濃，咬落唔會太淋，但有小小渣😅。帶子就好滑🦪，好鮮甜，刺身入面最好！刺身有油甘魚同三文魚🐟，冇光澤，油甘魚略酸。反而茶碗蒸🥚冇木魚味，比較寡，火候過左火，蛋開始有氣泡🧀。用龍蝦🦞本身嘅蝦膏炒蝦肉 ，口感略彈，九成熟 ，蝦膏好creamy。不過廚師冇幫手起蝦頭嘅肉 ，食落有啲狼狽。鮑魚加左海苔汁，口感爽口彈牙，又嫩口，而且有牛油香，加檸檬汁中和啱啱好🍋。鮑肝好creamy，味道咸鮮。美國牛柳🐂就肉味濃，叫左5成熟，我覺得可以再生啲。和牛同櫻花蝦炒飯就未夠乾身。成餐飯有啲令我surprise，我原本以為鐵板燒上菜好raw，但上碟其實有擺盤🍱，而且好靚。咁當然依個價錢係對應依個質素。一開始以為鐵板燒好似omakase咁，客人同廚司會有互動，但依間唔會有。