初心冰室 (已結業)

一朝早做完运动，午餐都想食得丰富啲。于是谂起之前嚟过呢间初心冰室，佢嘅鹅肝拼牛柳，比起好多食牛扒嘅餐厅都仲要出色，于是乎心思思又再嚟食。今日有啲肚饿，于是乎同女朋友两个人叫咗两个午餐，再加多一个鹅肝拼牛柳。自己好钟意食酸野，饮亲通常都系罗宋汤，贪佢有啲菜又有少少酸味系一个开胃嘅选择。鹅肝拼牛柳好快就上枱，见到个鹅肝煎到脆卜卜咁，一切落去就觉得外脆内软，好想一啖放入口度食。果然冇令人失望，鹅肝嘅油脂浸透整个口腔，油香久久不散。而牛柳亦都系煎到外面脆，而里面系粉红色嘅肉，五成熟刚刚好，完全唔会太生或者太老。呢个咁美味嘅鹅肝拼牛柳都只系$138 ，真系好抵食架。另外个午餐鸡扒拼薯菜都好好味，个鸡皮煎到脆卜卜，一向都唔食海南鸡鸡皮的我都忍唔住食咗三份一块皮。最后饮咗个雪糕朱古力咖啡，雪糕里面有朱古力碎配合咖啡嘅香味，又系一令人满足嘅午餐。